Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
PS kërkoi ngritjen e dy komisioneve të posaçme, zbardhen kushtet e PD për pjesëmarrjen
PiranjatPërditësimi i fundit 8 Tetor 2025, 18:31
Partia Socialiste kërkoi ngritjen e dy komisioneve të posaçme, atë për adresimin e OSBE/ODIHR për zgjedhjet dhe komisionin e posaçëm për reformën territoriale.
Socialistët kërkuan të kenë një anëtar më shumë në këto komisione ndryshe nga se ka ndodhur në të shkuarën.
Për këtë arsye, Partia Demokratike thotë se merr pjesë me garanci të barazisë pozitë-opozitë, të konsensusit në vendimmarrje.
Reagimi i plotë:
Lidhur me kërkesat e Grupit Parlamentar të PS për ngritjen e dy Komisioneve të Posaçme Parlamentare, lidhur me Reformën Zgjedhore dhe Reformën Territoriale, Grupi Parlamentar i PD vlerëson se pjesëmarrja e opozitës në këto Komisione do të mundësohet vetëm nëse puna në to ndërtohet mbi bazën e garancive të barazisë pozitë-opozitë, të konsensusit në vendimmarrje në Komision dhe në seancë plenare, të respektimit të parimit të transparencës dhe gjithëpërfshirjes, si dhe të angazhimit në proces sipas fushave që mbulojnë të ekspertëve tëOSBE-ODIHR, Këshillit të Europës, të Komisionit të Venecias dhe të Kongresit të Autoriteteve Vendore dhe Rajonale të Këshillit të Evropës.
Gjithashtu, Kuvendi i Shqipërisë duhet të respektojë dhe të pres me qëllim bërjen pjesë të punës së tij edhe Raportin e OSBE-ODIHR për zgjedhjet e përgjithshme të 11 Majit.
