Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Qeveria shpall ditë zie kombëtare për Fatos Nanon
PiranjatPërditësimi i fundit 31 Tetor 2025, 20:30
Këshilli i Ministrave shpall Ditë Zie Kombëtare më 2 nëntor 2025, në nderim të ish-Kryeministrit Fatos Nano, një ndër figurat më të shquara të politikës shqiptare.
Në këtë ditë, do të zhvillohet ceremonia funebre shtetërore dhe Homazhet Kombëtare, ndërsa flamuri kombëtar do të ulet në gjysmë shtize në të gjitha institucionet shtetërore.
Në orën 12:00, do të mbahet një minutë heshtje në nderim të tij, duke ndërprerë të gjitha aktivitetet në mbarë vendin.
Njoftimi:
Shpallja e Zisë Kombëtare në nderim të të ndjerit Fatos Nano, ish-Kryeministër, udhëheqës dhe politikan i shquar
Këshilli i Ministrave ka vendosur shpalljen Zi Kombëtare ditën e diel, më 2 nëntor 2025, në nderim të Fatos Nanos, ish-Kryeministër dhe një prej figurave më të rëndësishme të politikës shqiptare.
Në respekt të kontributit të tij të çmuar në jetën publike dhe politike të vendit, do të zhvillohet ceremonia funebre shtetërore dhe Homazhet Kombëtare për të ndjerin.
Në të gjitha institucionet shtetërore dhe publike flamuri kombëtar do të ulet në gjysmë shtize. Në orën 12:00, në nderim të tij, do të ndërpriten të gjitha veprimtaritë dhe do të mbahet një minutë heshtje në mbarë vendin.
Radiotelevizioni Publik Shqiptar gjatë zhvillimit të ceremonialit shtetëror, do të transmetojë muzikë funebre.
Homazhet dhe Ceremonia Shtetërore
Pallati i Kongreseve, Tiranë • 08:30 – 11:00 – Homazhe publike • 11:15 – 11:45 – Homazhe shtetërore dhe nderim nga personalitetet • 12:05 – Ceremonia funebre shtetërore e lamtumirës
Për organizimin e ceremonisë është ngritur një Komision i Posaçëm Shtetëror nën mbikëqyrjen e Kryeministrit, me përfaqësues nga institucionet kryesore shtetërore dhe të sigurisë.
