Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
QSUT në partneritet me “San Raffaele”/ Rama: Synimi, kthimi në një qendër ekselence në Europë
M.B.Përditësimi i fundit 28 Prill 2025, 11:03
TIRANA- Kryesocialisti Edi Rama ishte i pranishëm sot pranë ambienteve të QSUT, ku u firmos marrëveshja për një partneritet strategjik në fushën e shëndetësisë. Bashkëpunimi përfshin QSUT-në dhe Universitetin e Mjekësisë në Tiranë, të cilët do të punojnë ngushtë me qendrën spitalore universitare të njohur europiane “San Raffaele” dhe universitetin “Vita-Salute San Raffaele” të Italisë.
Rama tha se synimi i këtij partneriteti është transformimi i QSUT-së në një qendër ekselence dhe një pikë referimi për gjithë Ballkanin, mes qendrave ekselente në Europë. Ai shtoi se e njëjta ambicie është për Universitetin duke thkesuar se kanë shembullin e parë me Boku të Vjenës që ka filluar procesin e shkrirjes me Universitetin Bujqësor të Tiranë.
“Ne mund ta transformojmë qendrën (QSUT), në një qendër ekselence për kujdesin shëndetësor në të gjithë Ballkanin. Ne duam ë transformojmë edhe Universitetin e Mjekësisë dhe në të dyja këto bashkëpunime, që janë pjesë e së njëjtës marrëveshje. Synimi nuk është të kemi një partner më shumë, të kemi një konsulent më shumë apo që të bëjmë një binjakëzim më shumë.
Synimi është që deri në 2030, nga njëra anë QSUT të pësojë atë transformim së grupin e San Raffaele-s ka sjellë në Poloni, duke u përfshirë drejtpërdrejt në të gjitha proceset, në menaxhimin e qendrës, në organizimin e gjithë jetës së përditshme dhe duke bashkuar në kuptimin e vërtetë të fjalës, profesionistët e dy anëve.
E njëjta ambicie është për Universitetin. E kemi shembullin e parë me Boku të Vjenës që ka filluar procesin e shkrirjes me Universitetin Bujqësor të Tiranë. Qëllimi është që në Universitetin e Mjekësisë së Tiranës, të merren diploma të njëjta si ato të Vita San Raffaele.
Marrëveshja e hap këtë kapitull dhe sot nuk është më çudi të imagjinojmë që në këto vite tu japim gjithë atyre që shkojnë në vende të tjera, për t’u kuruar, ta bëjnë në Shqipëri. Të marrin shërbimin e nivelit më të lart europian dhe tu japim mundësi të gjithë vajzave dhe djemve nga rajon të vijnë të studiojnë në Shqipëri dhe të marrin një diplomë të nivelit europian", tha Rama.
