Të shtëna me armë zjarri janë regjistruar mesditën e kësaj të hëne në zonën e Kamzës.
Një 26-vje&...
POLITIKE
Rama akuzoi iranianët për luftë hibride, reagon Teherani: Qeveria Rama po fajëson Iranin për të shmangur përgjegjësinë ndaj shqiptarëve!
PiranjatPërditësimi i fundit 8 Qershor 2026, 13:44
Teherani zyrtar ka reaguar për herë të parë pas akuzave të kryeministrit Rama se Irani po zhvillon luftë hibride ndaj Shqipërisë dhe se ka lidhje me protestat që po zhvillojnë qytetarët shqiptarë kundër ndërtimit të resortit në Zvërnec.
Ka qenë zëdhënësi i Ministrisë së Jashtme të Iranit, Esmail Baghaei i cili i ka cilësuar këto akuza të Ramës si “Qesharake”.
“Irani po përdoret si justifikim për të shmangur përgjegjësinë përballë popullit shqiptar. Këto akuza janë një model i përsëritur nga qeveri që kërkojnë afrim me regjimin sionist. Në vend që t’u përgjigjen kërkesave legjitime të qytetarëve, autoritetet shqiptare zgjedhin të hedhin akuza qesharake ndaj Iranit”, deklaroi Baghaei.
Ai shton se qytetarët shqiptarë “janë mjaftueshëm të zgjuar për të mos besuar pretendime të tilla”.
Përplasja mes Tiranës dhe Teheranit nuk është e re. Ajo daton që nga viti 2013, kur Shqipëria, në bashkëpunim me Shtetet e Bashkuara, pranoi të strehojë në territorin e saj mijëra anëtarë të organizatës Mujahedin-e Khalq, një grup opozitar iranian që ndodhet në kampin e Manzës, pranë Durrësit.
MEK konsiderohet nga autoritetet iraniane si organizatë terroriste dhe një nga kundërshtarët më të mëdhenj të regjimit në Teheran.
Gjatë viteve të fundit, Shqipëria dhe Irani kanë pasur përplasje të vazhdueshme diplomatike, sidomos pas sulmeve kibernetike ndaj sistemeve shtetërore shqiptare, për të cilat Tirana zyrtare ka akuzuar drejtpërdrejt Teheranin. Kujtojmë edhe sulmin që bëri ndaj Shqipërisë, ish lideri suprem i Iranit, Ajatollah Khamenei, duke e quajtur vendin tonë si “vend i vogël djallëzor”.
