Incidentet serioze që kanë ndodhur ditët e fundit në fshatrat greqishtfolës të Shqipërisë, Nartë dhe Zvërrne...
POLITIKE
"Rama i ka ditët e numëruara"/ Berisha: Kur shembëm shtatoren e diktatorit, nuk menduam se do vinim në të njëjtën situatë 35 vite më vonë
PiranjatPërditësimi i fundit 20 Shkurt 2026, 19:24
Ka nisur protesta kombëtare e Partia Demokratike e Shqipërisë në sheshin para Kryeministrisë, në një datë simbolike për historinë e vendit, 20 shkurtin.
Fjalën e radhës e mbajti kreu i PD-së, Sali Berisha, i cili e cilësoi këtë ditë si një nga momentet më të shënuara të historisë kombëtare. Në fjalën e tij, Berisha rikujtoi ngjarjet e 20 shkurtit 1991, kur dhjetëra mijëra qytetarë, të mbledhur fillimisht në Qytetin Studenti në mbështetje të grevës së studentëve, marshuan drejt Sheshit Skënderbej.
Ai përmendi rolin e artistes së njohur Rajmonda Bulku dhe protestuesve të asaj kohe, duke e cilësuar përmbysjen e shtatores së Enver Hoxha si kulmin e guximit qytetar dhe momentin që shënoi fundin e diktaturës komuniste 46-vjeçare në Shqipëri.
“Nderim përjetë atyre guximtarëve që si luanë u sulën mbi shtatoren e diktatorit, e përmbysën atë dhe çliruan Shqipërinë nga diktatura komuniste,” u shpreh Berisha para mbështetësve.
Në vijim të fjalës së tij, ai bëri një paralelizëm mes regjimit komunist dhe situatës aktuale politike, duke deklaruar se 35 vite më pas, shqiptarët po përballen, sipas tij, me një regjim me tipare të ngjashme. Berisha akuzoi kryeministrin Edi Rama për kapje të pushteteve, korrupsion dhe për cenim të procesit zgjedhor.
“Ne nderojmë sot këtë datë me mirënjohje të thellë dhe frymëzim të madh, me zotimin tonë para shqiptarëve se Edi Rama do i ketë kohërat e numëruara,” deklaroi ai.
Berisha: 20 shkurti është dita në të cilën, 35 vite më parë, dhjetëra mijëra qytetarët të mbledhur në qytetin Studenti, në mbështetje të grevës së studentëve liberatorëve për të çliuar vendin nga kulti i Satanit, në thirrjen e Rajmonda Bulkut dhe protestuesve të shumtë, nisën drejt sheshit Skënderbeu të rrethuar nga katër anët me autoblinda, mitraloza, snajpër, në një betejë që shënon kulmin e guximit të qytetarëve shqiptarë. Në një betejë paqësore që do shndrrisë gjithmonë në historinë e revolucioni demokratike që përmbysën shtatoren, kultin e Satanit, Enver Hoxhës, Hitlerit shqiptar të pasluftës, regjimin që në 46 vite shtetëzoi persekutoi, burgosi, ekzekutoi, mjeroi më shumë shqiptarët se çdo pushtues që kishin njohur në tërë historinë. Nderim përjetë guximtarëve që si luan u vërsulën mbi shtatoren e diktatorit dhe çliruan Shqipërinë nga diktatura 46 vjeçare. 35 vjet më parë, të gjithë ata që ishin në shesh, kurrë nuk do mendonin se 35 vjet më vonë, do ndodheshin para regjimi sigurisht jo të njëjtë, por fatkeqësisht shumë të ngjashëm në shumë aspekte. Nuk mund të besonin se 35 vite më vonë, pushtetet e vendit do ishin në duart e një kriminel të pashembullt pas Enver Hoxhës. Pushtetet e vendit do ishin në duart e një tradhtari që do nxijë historinë kombëtare për aktet e tradhtisë. Njeriut që do plaçkiste Shqipërinë sa askush tjetër në historinë e tij.
