Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Rama në Bruzh: Sot që kemi çelur 4 kapituj, janë habitur edhe ‘priftërinjtë’ e Brukselit
PiranjatPërditësimi i fundit 16 Shtator 2025, 20:45
Kryeministri Edi Rama ka mbajtur një fjalim gjatë takimit me studentët e Kolegjit të Europës në Bruzh, ku iu dha atyre si këshillë që të kenë gjithmonë një mik shqiptar.
“Ne u rrimë besnik miqësive. Kam një këshillë për të gjithë ju, sigurohuni që të keni një mik shqiptar. Ju ndoshta mund të mos keni kurrë nevojë për të, por një ditë, në një orë kur ju duhet dikush, një shqiptar do të jetë i pari që do të vrapoj drejt jush,” u shpreh Rama, duke shtuar me humor se “Frederika e di këtë, prandaj do pasaportë shqiptare”.
Rama u ndal edhe te ndryshimi i perceptimit ndërkombëtar për Shqipërinë, duke përmendur rritjen e numrit të turistëve dhe përshtypjet e tyre për vendin. Sipas tij, komentet se Sqhipëria është një vend i zymtë, pa diell e kriminal, ku shansi më i mirë është të të vjedhin dhe më i keqi është të të përdhunojnë, nuk janë aspak të vërteta.
Rama: Ne u rrimë besnik miqësive. Kam një këshillë për të gjithë ju, sigurohuni që të keni një mik shqiptar. Ju ndoshta mund të mos keni kurrë nevojë për të, por një ditë, në një orë kur ju duhet dikush, një shqiptar do të jetë i pari që do të vrapoj drejt jush.
Frederika e di këtë, prandaj do pasaportë shqiptare. Kështu, në një hakmarrje të ëmbël, mes të shkuarës sonë, Shqipëria është një ndër vendet më të vizituar në Evropë. 12 milion vizitor në vit, është diçka shumë e madhe. Këta njerëz më së fundmi po përhapin fjalë që vendi ynë është një vend i zymtë, pa diell e kriminal, ku shansi më i mirë është të të vjedhin dhe më i keqi është të të përdhunojnë. Shqipëria nuk është asgjë nga këto.
Në të kundërt, të gjithë ata që vijnë nga mbarë Evropa, e kuptojnë se Shqipëria është vendi me numrin më të ulët të vjedhjeve në Evropë. Britania kryeson, sepse thonë se “po, sepse shqiptarët kanë ardhur te ne”. Kështu bën kur largohesh nga BE, flet shumë gjepura. Merr pak kamomil para se ta dëgjosh, që mos të zërë depresioni. Nëse nuk jeni një prej atyre që keni ardhur, atëherë ejani. Është një vend që ia vlen ta vizitosh
