Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Rama sfidon bluzat e bardha: Jeni nazelinj! Do të sjellim mjekë të huaj për të punuar në spitale
PiranjatPërditësimi i fundit 20 Shtator 2025, 12:05
Gjatë 12 viteve të qeverisjes së Edi Ramës, janë larguar rreth 1 milionë shqiptarë nga vendi, ku Shqipërisë i është larguar “truri”, rinia e arsimuar. E për të mbuluar këtë eksod të madh, Edi Rama, gjatë prezantimit të ministres së Shëndetësisë Evis Sala, propozoi si zgjidhje afrimin e mjekëve të huaj, ku harron faktin se mjkët nga Shqipëria ikin për shkak të rrogave dhe kushteve.
"Nuk duhet të vendosim asnjë limit në ambicie, ta shohim si të natyrshme të tërheqim jo vetëm mjekë shqiptarë që janë jashtë, por edhe mjekë të huaj për të punuar bashkë me ju. Jemi në momentin e duhur për të rienergjizuar të gjithë së bashku veten dhe për ta parë çdo gjë si fillim të ri. Kjo infrastrukturë që nuk ka çfarë ti ketë zili fare as spitaleve më në zë, është për momentin mure, pajisje, dhe hapësira.
Sdfia është që edhe shërbimi brenda të jetë në të njëjtin nivel. Nuk mund të pretendojmë të hyjmë në 100 spitalet më të mira të botës, për 1001 arsye. S’kemi pse QSUT të mos e kemi në 500 spitalet më të mira të botës, s’ka asnjë arsye pse jo".
Në përfundim të prezantimit Rama u ndal në një bisedë me humor me mjekët e pranishëm. Duke iu referuar ministres së re, Albana Sala, Rama tha se ajo “është shumë e mirë, por edhe shumë e rrezikshme”, duke shtuar me batutë: “Uroj që as mos t’ju hajë dhe as mos ta hani”.
Me tone ironike, Rama i përshkroi mjekët si “nazelinj dhe tekanjozë”, duke shtuar se kjo lidhet edhe me stresin e madh të punës së tyre. “Nuk besoj se keni ndonjë arsye për të bërë naze për ministren, është njësoj sikur ta keni nxjerrë vetë”, u shpreh ai.
