Një qytetar ka denoncuar në redaksinë e Piranjat News një rast të rëndë parakalimi të gabuar dhe të rrezikshë...
POLITIKE
Rama shkarkon 'Diellën' nga ministre në 'makinë llogaritëse': Nuk do të marrë vendime
PiranjatPërditësimi i fundit 22 Shtator 2025, 16:14
Pasi e emëroi ministre me dekret të Bajram Begajt, kryeministri EdI Rama ka bërë hap pas duke deklaruar se Diella nuk do të jetë ministre, dhe nuk do të ketë vendime qeverisëse. Sipas Ramës, Diella do të jetë vetëm një aplikacion që do të përdoret për të përmirësuar analizimin e situatave apo procedurave në bazë të të dhënave që do ti vendosen nga zyrtarët që do e përdorin.
Pasi e përdori Diellën për të marrë vemendjen e opinionit publik, duke e dekretuar si ministre në shkelje të Kushtetutës, sot kryeministri Edi Rama ka bërë një hap pas, duke deklaruar se Diella nuk do te jetë ministre por do të shërbejë për të procesuar të dhëna dhe për të bërë llogaritje.
Në prezantimin e platformës Start Up, Rama u shpreh se Diella, nuk do të ketë kompetenca ministri për të marrë vendime, por do të përpunojë të dhëna, gati si një makinë llogaritëse, duke rrëzuar kështu të gjithë propogandën që ngriti vete prej ditësh, kur fliste për një ministre virtuale në qeverinë e tij.
Kryeministri foli edhe për funksionet e tjera që do kryej Diella, të cilën po planfikon ta përdor edhe për intervista televizive.
Ndërsa krenohet se lancimi i një ministrie virtuale, e ka kthyer qeverinë e tij në lajm ndërkombëtar, Kryeministri ende nuk ka dhënë një shifer, se sa do tju kushtojë shqiptarëve, Diella./syri
