Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
Rama takim me të rinjtë: Dera e shtëpisë së BE hapet dhe mbyllet, kur erdhëm në detyrë ishim shumë larg kësaj dere
r.llPërditësimi i fundit 28 Prill 2025, 19:06
edi rama
TIRANË- Kryeministri Edi Rama po zhvillon sot takim me të rinjtë e kreqytetit që votojnë për herë të parë në zgjedhjet parlamentare të 11 majit. Rama u shpreh se ajo çfarë ndodh më 11 maj lidhet edhe me fatin e marrëdhënieve të Shqipërisë me Bashkimin Europian.
Ai e krahasoi BE me një banesë dera e së cilës hapet dhe mbyllet. Sipas tij kur kjo derë mbyllet, nuk hapet për një kohë të gjatë. Më tej, Rama shpjegoi se anëtarësimi nuk funksionon sipas dëshirës apo gatishmërisë së njërës anë, por duhet të jetë reciproke.
"Zgjedhjet e 11 majit nuk janë thjesht zgjedhje për një parti. Nga ajo që do të ndodhë më 11 maj varet shumë ajo se çfarë do të ndodhë me Shqipërinë dhe marrëdhëniet e Shqipërisë me BE.
Pse në 11 maj varet shumë çfarë do ndodhë më BE? Sepse Bashkimi Europian është një shtëpi dera e së cilës hapet dhe mbyllet. Kur mbyllet, mbyllet për shumë kohë. Sot në atë shtëpi janë 27 vende që vendosin me konsensus për të hapur derën. Ti mund të jesh gati ose mund të kesh dëshirë të madhe, por dera nuk hapet. Hapet kur ata janë po aq te interesuar sa ti që të hysh brenda. Kur kemi ardhur në detyrë, ishim shumë larg.
Anëtarësimi nuk funksionon sipas dëshirës apo gatishmërisë tënde, por duhet të jetë reciproke. Po si ka mundësi që Mali i Zi, Serbia dhe Maqedonia e cila ndërroi dhe emrin, kanë filluar negociatat prej vitesh, por nuk janë ende anëtarë të BE.", tha Rama.
