Sot, rreth orës 11:25, është marrë njoftim se në spital është transportuar pa shenja jete shtetasi Ardian Baloshi rreth 27 ...
POLITIKE
Rama urdhëron deputetët dhe partinë/ Bëni kujdes me reagimet, kjo protestë është ndryshe
PiranjatPërditësimi i fundit 8 Qershor 2026, 16:20
Edi Rama duket se është trembur nga protestat popullore që kanë përfshirë Shqipërinë. Dëshmia më e fundit është një dokument, i cili udhëzon grupin Parlamentar dhe drejtuesit e Partisë Socialiste se si duhet të reagojnë në lidhje me protestën, dhe cilat mesazhe duhet të përcjellin.
Si linja të përgjithshme dokumenti u kërkon deputetëve të maxhorancës që të shmangin arrogancën dhe të jenë sa më modestë në reagimet për protestën. Po kështu, ai udhëzon që të mos bëhen akuza ndaj protestës, por vetëm ndaj elementëve të caktuar brenda saj.
Udhezimi
Paralelisht dokumenti dikton edhe mesazhet që duhet të përcillen në reagimet publike, të cilat duhet ta vënë theksin tek fakti se Edi Rama dhe PS kanë qenë gjithmonë në krah të qytetarëve, që projekti nuk është ende gati dhe vetëm sa ka filluar vlerësimi mjedisor si dhe tek fakti që turizmi nuk mund të zhvillohet vetëm me AIRBNB, por ka nevojë për investime madhore.
Udhëzimi i plotë i shpërndarë për maxhorancën
Te pergjithshme: • Shmangni arrogancen, sa me modest • Ne asnje moment cinizem, por mirekuptim • Jo akuza protestuesve, as protestes, por elementeve brenda saj
Mesazhi: • Sa here ka patur proteste qytetare, ER dhe PS kane qene ne krah te qytetareve. Keshtu ndodhi me armet kimike, keshtu ndodhi edhe me studentet.
• Ka nje diference te madhe mes protestave te opozites dhe atyre qytetare. Diferenca ndihet jo vetem ne pjesemarrje, por edhe ne mesazhe. Kjo eshte qartazi nje proteste qytetare dhe duhen pergezuar te gjithe ata qe marrin pjese ne menyre te cilter, sic jane shumica e pjesemarresve.
• Por sigurisht ne proteste ka edhe elemente manipulative. Jo vetem nga Shqiperia (kryesisht parti politike opozitare), jo vetem nga rajoni (xhelozia per zhvillimin e turizmit elitar), por edhe me gjere. Ne kemi te dhena, te cilat jane edhe publike (postimet ne rrjete sociale) te aplifikimit qe Irani psh I ben kesaj proteste. Nuk eshte faji I protestuese, port e gjithe te jemi te kujdesshem te mos perdoremi nga askush qe I do te keqen Shqiperise.
• Fatkeqesisht mbulimi I gjere mediatik nderkombetar ka pak lidhje me protesten dhe shume lidhje me disa nga investitoret e projektit. Jemi ne nje moment kyc te sezonit turistik, te mos I trembim ata qe duan te vitizojne Shqiperine dhe te shpenzojne para ne vendin tone.
• Si mazhorance ne duhet te kujdesemi per mjedisin, por jo vetem. Duhet te nxisim edhe zhvillimin e vendit ne te gjithe sektoret, duke u kujdesur posacerisht per mjedisin. Por turizmi, fjala qe vjen, nuk mund te zhvillohet vetem me Airbnb ose me struktura hotelerie me 3 apo 4 yje. Na duhen edhe struktura te nivelit me te larte dhe kur investitore te huaj ofrohen, ne s’duhet t’I trembim ata. Shikoni cfare ndodhi me Kakomene 20 vjet me pare dhe shikoni ku eshte sot. Ajo qe ndodhi atehere nuk duhet te perseritet me.
• Ne jemi nje vend I vogel dhe nuk e kemi luksin t’I debojme investitoret e medhenj. Nje investitor qe iken I trembur eshte lajmi me I keq I mundshem per Shqiperine, pasi shume e shume te tjere nuk do te afrohen me per kohe te gjate.
• Sigurisht ne duhet te kujdesemi per ligjshmerine dhe per mjedisin. Sot qe flasim nuk ka ende nje projekt, nderkohe qe studimi mjedisor sapo ka filluar. Jane angazhuar ekspertet dhe artikektet me te mire nderkombetare per te realizuar nje projekt qe te jete krenaria jone kombetare.
• Nuk ka toke te dhuruar ndaj asnje investitori. Ajo eshte nje toke private qe eshte shitur nga privati tek investitori.
• Ketu nuk behet fjale vetem per nje resort, por behet fjale per nje investim gjigand qe sjell te mira per te gjithe Shqiperine, jo vetem per zonen ku investimi do te kryhet. Me shume punesim, me shume prodhim, me shume reklame per Shqiperine.
• Protesta qytetare eshte feste e demokracise. Sa mire qe protesta te tilla ndodhin. Kemi qene dhe do jemi gjithmone te hapur per dialog, te degjojme njeri tjetrin dhe pse jo te permiresojme njeri tjetrin. Me respekt dhe pa dhune./kapitali
