Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Rast unik hetimor"/ Këlliçi publikon fotot: Kolegët e Erionit të sekuestrojnë kompaninë 5D, asetet e drejtorëve të arrestuar dhe vilën superluksoze të Mollës
r.llPërditësimi i fundit 31 Maj 2024, 12:01
belind kelliçi
TIRANË- Anëtari i Kryesisë së Partisë Demokratike, Belind Këlliçi mbrëmjen e djeshme ka publikuar një tjetër skandal në bashkinë e Tiranës, pas arrestimit të tre drejtorëve për aferën "5D". Këlliçi zbuloi dokumentet për pagesat që vijojnë për kompaninë “5D” që kishte për pronarë ish-drejtorët e bashkisë, të arrestuar dy muaj më parë me urdhër të SPAK.
Në deklaratën sotme e për mediat, tha se kjo kompani është rast unik hetimor pasi tij "SPAK jo vetëm që nuk e vendos nën sekuestro, por prestanomen Nestor Muhametllari e lë të lirë pa asnjë masë arresti, që të vazhdojë të përfitojë fonde publike."
Teksa i bënte thirrje prokurorëve të SPAK të sekuestronin pasuritë e drejtorëve të arrestuar, Këlliçi ka publikuar një vilë me vlerë marramendëse, që sipas tij në zonën më të lakmuar të Tiranës, dhe është e blerë nga 2 prindërit pensionistë të Redian Mollës, në kulmin e pandemisë në korrik të vitit 2020.
DEKLARATA E ANETARIT TE KRYESISE SE PD, BELIND KELLIÇI:
Ditën e djeshme bëra publike skandalin e rradhës me kompaninë 5D Konstruksion. Në datë 28 Maj, pra vetëm para 3 ditësh, ndërkohë që opozita protestonte në skenën më të madhe të korrupsionit në vend përpara Bashkisë Tiranë, Erion Veliaj kryente pagesën e rradhës për kompaninë 5D.
Kolegët e Veliajt në SPAK, vazhdojnë të mbrojnë interesat korruptive të kryebashkiakut në skemën më të madhe dhe të papreçedentë të vjedhjes së 100% të fondeve publike, nëpërmjet kompanisë së 5 drejtorëve të Bashkisë Tiranë.
Kjo kompani është rast unik hetimor pasi SPAK jo vetëm që nuk e vendos nën sekuestro, por prestanomen Nestor Muhametllari e lë të lirë pa asnjë masë arresti, që të vazhdojë të përfitojë fonde publike. Por më e rëndë se ky fakt, është lejimi i shitjes së aseteve në palë të treta e më pas zhdukja e parave të bandës 5D.
Sot kolegët e Erionit duhet t’i japin llogari qytetarëve se përse kompania 5D nuk është nën sekuestro. Sot kolegët e Erionit, duhet t’i japin llogari qytetarëve se përse asetet dhe pasuria e Mariglen Qatos dhe të afërmve të tij nuk është nën sekuestro.
Sot kolegët e Erionit, duhet t’i japin llogari qytetarëve se përse pasuria marramendëse e Redi Mollës dhe të afërmve të tij nuk është nën sekuestro.
Sot SPAK duhet të na thotë se përse kjo vilë që shihni në ekran, me vlerë marramendëse në zonën më të lakmuar të Tiranës, e blerë nga 2 prindërit pensionistë të Mollës, në kulmin e pandemisë në korrik të vitit 2020, nuk është nën sekuestro dhe vazhdon biznesin e hotelerisë pa asnjë shqetësim.
SPAK nuk mund të veprojë si avokat mbrojtës i parave të korrupsionit në Bashkinë e Tiranës. SPAK duhet të sekuestrojë të gjitha pasuritë e zyrtarëve të korruptuar dhe duhet të ndalojë menjëherë kompaninë 5D që të vazhdojë të përfitojë fonde publike.
Altin Dumani duhet ta faktojë me vepra atë ç’ka deklaroi në Komisionin Parlamentar të Ligjeve, se kolegë të tij ai ka vetëm prokurorët e SPAK dhe hetuesit e BKH. Deri më tani, për fat të keq, është faktuar se kolegu i tij vijon të mbetet kryehajduti i Tiranës, pronari faktik i inceneratorit dhe kreu i bandës 5D Erion Veliaj.
