Reforma Zgjedhore/ Gazment Bardhi: Opozita për hapjen 100% të listave, PS e kundërta!

Gazment Bardhi

TIRANA- Kryetari i Grupit Parlamentar të PD, Gazment Bardhi tha sot për gazetarët se orët në vijim janë vendimtare lidhur me reformën zgjedhore. Ai tha se propozimi i mazhorancës është që listat të jenë 100% të mbyllura, ndërsa opozita kërkon hapjen e plotë të tyre. Bardhi tha se opozita ka bërë disa propozime dhe se do të nxisin dhe do të shtyjnë maksimumin për hapjen e listave.

"Propozimi dhe qëndrimi i kolegëve tanë ka qenë që listat të jenë të hapura. Propozimi i ardhur nga grupi i PS vijon të mbajë të njëjtën situatë, që listat janë 100% të mbyllura dhe vetëm në rastet kur thyhet herësi, pra kanë bërë ndryshim të herësit nga 10 mijë në 7 mijë, mund të ketë votë parapëlqyese. Ky version i tyre në vlerësimin tonë i mban listat 100% të mbyllura.

Propozimi jonë ka qenë që të eksplorojmë mundësinë për të hapur në maksimum listat e kandidatëve për deputetë. Për këtë kërkohet konsensus edhe nga pala tjetër. Ne kemi disa propozime, kemi propozimin maksimal të hapjes së listave 100%, por do të nxisim dhe do të shtyjmë maksimumin për hapjen e listave", tha Bardhi.

gazment bardhi