Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Regjistrimi i diasporës/ Berisha: Po bëjmë gjithçka që procesi të jetë transparent! PD do shqyrtojë hapjen e zyrave në kryeqytetet evropiane për regjistrimin e votuesve
n.fPërditësimi i fundit 16 Janar 2025, 13:26
Berisha
TIRANË- Kreu i Partisë Demokratike, Sali Berisha ka zhvilluar ditën e sotme një bashkëbisedim me ndjekësit e tij në "Facebook". Gjatë fjalës së tij Berisha u shpreh se PD do e shqyrtojë shumë seriozisht hapjen e zyrave në kryeqytetet evropiane për regjistrimin e votuesve. Berisha shtoi se do bëjnë gjithçka që procesi i regjistrimit të diasporës të jetë transparent dhe se po ndjekin çdo hap.
"Ne po bëjmë gjithçka që ky të jetë një proces transparent dhe gjer tani hapat e bëra kanë qenë të tilla dhe kanë ecur. Por ne po ndjekim çdo hap," tha ai.
Berisha më tej u bëri thirrje emigrantëve që të regjistrohen për të votuar. Ai theksoi se po organizojnë takime në të gjitha vendet dhe se kanë krijuar një faqe të veçantë me të gjithë instruksionin se si të regjistroheni në platformën e KQZ-së.
"Ne po përpiqemi në mënyrë të përditshme të informojmë. Po organizojmë takime në të gjitha vendet, por kemi krijuar edhe një faqe të veçantë, e cila kërkon gjithsej 30 sekonda kohë dhe ju dërgon me email apo në ëhatsapp, të gjithë instruksionin se si të regjistroheni në platformën e KQZ-së.
Pra, ju lutem shumë, klikoni në uebin e PD, në nënfaqen Diaspora Voton. Aty do merrni automatikisht udhëzuesin për mënyrën se si duhet të regjistroheni në KQZ. Mendoj se kjo është forma më e sigurt dhe më e shpejtë e informimit tuaj," tha Berisha.
