Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Rezolutat e CDI dhe PPE/ Berisha: Në një kohë të shkurtër, ka një përmbysje të plotë të qëndrimeve ndaj narkoshtetit shqiptar dhe PD-së
I.APërditësimi i fundit 23 Nëntor 2024, 18:32
Sali Berisha
TIRANË- Kryedemokrati Sali Berisha tha se brenda një kohe të shkurtër ka një përmbysje të plotë të qëndrimeve ndaj PD-së dhe shtetit shqiptar. Gjatë fjalës së tij me drejtuesit politikë të qarqeve, Berisha vuri në dukje dy rezolutat e bëra brenda një jave nga CDI-ja dhe Partitë Popullore Europiane.
"Të dashur miq, në një hark kohor të shkurtër, ka një përmbysje të plotë të qëndrimeve ndaj narkoshtetit shqiptar dhe PD-së. Të mos harrojmë se sot, në spektrin botëror të qendrës së djathtë dhe të djathtë, Shqipëria përbën, pas zonave të luftës, problemin më madhor për shkak të narkoshtetit, për shkak të mungesës së zgjedhjeve të lira, të burgosjes së opozitës, të krijimit të sipërmarrjes qeveri-krim i organizuar, të plaçkitjes si asnjëherë më parë të qytetarëve, të zbimit të tyre nga Shqipëria.
Ky realitet dramatik shqiptar, i sanksionuar tashmë në dokumentet më themelore të CDI, organizatës më të vjetër të forcave politike të qendës së djathtë që grupon 109 parti nga mbi 100 e ca vende të të gjithë planetit. Sanksionimi në rezolutën e PPE, të miratuar në Maltë, i problematikave të mëdha me të cilat përballet Shqipëria, mbështetja e madhe, e jashtëzakonshme për demokratët dhe demokracinë, për opozitarët dhe opozitaret, duhet të jetë një frymëzim i madh për çdo qytetar shqiptar.
Por jo vetëm një frymëzim, por edhe një detyrim madhor. Partitë simotra, 109 parti të CDI, 83 parti të PPE, dhanë një mbështetje të jashtëzakonshme për PD-në dhe shqiptarët. Kjo kërkon që ne të bëjmë fuqishëm detyrën tonë. Ata presin nga ne përballjen më të suksesshme me narkodiktaturën. Ata presin nga ne që këtë mbështetje të madhe dhe të merituar ta shndërrojmë në fuqi dhe frymëzim, në betejën tonë kundër narkoshtetitm," tha Berisha.
