Ndërsa bota po nxiton drejt një epoke tërësisht të digjitalizuar, Shqipëria po mbetet pas, duke shënuar nivelet më t&e...
POLITIKE
‘Roni i armëve, Gysi i AKSH-it’/ Këlliçi: Nëse SPAK nuk shkon te Rama, hetimet janë kozmetikë
PiranjatPërditësimi i fundit 3 Tetor 2026, 13:09
Nënkryetari i PD-së, Belind Këlliçi, ka reaguar pas zhvillimeve të fundit në hetimet ndaj Ron Yeffet, duke e cilësuar atë si një tjetër person pranë Edi Ramës që po përballet me drejtësinë.
Në postimin e tij në Facebook, Këlliçi e lidhi këtë zhvillim me rastin e Ergys Agasit, duke pretenduar se të dy kanë ushtruar ndikim për shkak të marrëdhënieve me kryeministrin.
Sipas Këlliçit, hetimet ndaj bashkëpunëtorëve të Ramës janë të mirëpritura, por ai kërkon që SPAK të shkojë deri te përgjegjësia e kryeministrit. “Nëse SPAK nuk shkon tek kumbari, gjithë hetimet e veprimet e tjera janë thjesht kozmetikë momentale!”, shkruan ai.
Edhe një koordinator tjetër i Edi Ramës për punët e pisëta, Ron Yeffet është nën lupën e drejtësisë dhe gjasat janë që ai ti bashkohet Gysit të bandave.
Këto janë sigurisht hetime dhe masa të mirëpritura.
Por sa më shumë bashkëpunëtorë e miq të Edi Ramës të dalin para ligjit, aq më shumë del në pah paprekshmëria dhe pandëshkueshmëria e kreut të organizatës.
Roni i trafikut të armëve dhe projekteve strategjike, Gysi i AKSH-it dhe Hipotekave, morën pushtet dhe ushtruan ndikim të paligjshëm, VETËM prej marrëdhënies me Edi Ramën.
Është e qartë në sytë e gjithë shqiptarëve që nëse SPAK nuk shkon tek kumbari, gjithë hetimet e veprimet e tjera janë thjeshtë kozmetikë momentale!
