Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
POLITIKE
'Rrethi i Ramës sa vjen e po ngushtohet'/ Koka: Libri i Trocchia vendos në pikëpyetje vullnetin e SPAK për të hetuar
PiranjatPërditësimi i fundit 25 Shtator 2025, 20:08
Gazetari i njohur investigativ italian, Nello Trocchia, ishte sot mysafir në Syri TV, në një edicion special të emisionit Task Forcë. Ai është autori i librit të sapopublikuar në Itali, “La mafia albanese da Roma alla conquista del Mondo”.
Gjatë intervistës, Trocchia bëri të ditur lidhjet e ngushta të disa organizatave narkoterroriste me qeverinë e kryeministrit Edi Rama. Për këtë çështje, gazetari Bledian Koka, i ftuar në studio, tha se libri përmban elementë që hedhin dyshime mbi aktivitetin e SPAK-ut dhe vullnetin e tij për të hetuar për personazhe të përmendur në publikime të ndryshme, pa asnjëherë kryer verifikime ose hetime konkrete.
Koka tha se libri përmban elemente që hedhin dyshime mbi vullnetin e SPAK për të hetuar disa personazhe të përmendur, ndërsa deri tani nuk ka pasur ndonjëherë verifikim ose hetim të thelluar nga autoritetet shqiptare.
“Unë mendoj se libri ka disa elemente, elementi i parë është që aty vihet në pikëpyetje dhe vihet në sprovë SPAK dhe vullneti i SPAK për të hetuar për një personazh që përmendet pafund, por kurrë nuk ka pasur ndonjëherë ndonjë verifikim, hetim etj.” – u shpreh Koka.
Ai shtoi se kjo situatë tregon se drejtësia shqiptare nuk është gjithmonë në gjendje të trajtojë dosjet që përmbajnë fakte të ndjeshme, duke e bërë gazetarinë investigative të vetmin kanal për publikimin e tyre.
“Praktikisht këto dosje nuk iu besohen më drejtësisë shqiptare, por gazetarit investigativ, dhe kjo është e vetmja mënyrë për t’i dhënë jehonë një çështjeje që nuk bëhet dot zyrtarisht”, tha Koka.
Gazetari italian Nello Trocchia, sipas Kokës, zbulon në libër edhe lidhjet e organizatave narkoterroriste me qeverinë shqiptare dhe tregon sesi funksionon realiteti i drejtësisë në vend, që ai e përshkruan si narkoshtet dhe narkoregjim.
Koka:
'Unë mendoj se libri ka disa elemente, elementi i parë është që aty vihet në pikëpyetje dhe vihet në sprovë SPAK dhe vullneti i SPAK për të hetuar për një personazh që përmendet pafund, por kurrë nuk ka pasur ndonjëherë ndonjë verifikim, hetim etj.”
Me të drejtë thotë edhe autori i librit: “Po ta shikosh, thotë ai, nuk është se ka ndonjë raport; në thelb rezulton qytetar i lirë.
Nuk është çudi që zoti Ramë, thotë, nesër: e kam takuar Aertur Shehun, por kam takuar një person që nuk është me rekorde, nuk kërkohet nga drejtësia, një biznesmen, një investitor shumë të rëndësishëm.
Libri më duket një lloj suflerimi, do e quaj unë, të vetë institucioneve të drejtësisë italiane, sepse këto dosje, për definicion, Interpoli është i detyruar të kërkojë informacion edhe në Shqipëri.
Praktikisht ky libër, këto dosja, këta nuk ja besojnë më drejtësisë shqiptare, por ia besojnë një gazetari investigativ, dhe kjo është e vetmja mënyrë për t’i dhënë jehonë një gjëje që nuk bëhet dot zyrtarisht, por bëhet në mënyrë romanzese, bëhet përmes një libri.
Ajo është praktikisht një dosje e mirëfilltë, një libër me fakte, me dokumente, i cili është tashmë denoncimi më i madh sesi funksionon drejtësia në Shqipëri, se këtu është një narkoshtet e një narkoregjim; ne nuk kemi syhime, ne që duam ta shohim në realitet si është.
Unë mendoj që rrethi ndaj zotit Rama sa po vjen e po ngushtohet nga të gjitha drejtimet; kjo është pak, por e sigurt.
Nuk është rastësore që plas një dosje në një Belgjikë; del Rama, plas një dosje në Itali. Nuk është hera e parë që plas kjo dosje në Itali; Italia është bërë autostradë tashmë, Italia duket se është dorëzuar në raport me Shqipërinë, e dinë se kush është, por…' - u shpreh Koka.
