Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Së shpejti firmosim marrëveshjen me Emiratet e Bashkuara Arabe!" Rama: Synojmë të prodhojmë letrat me vlerë në Shqipëri
M.B.Përditësimi i fundit 10 Dhjetor 2024, 11:30
TIRANA- Kryeministri Edi Rama tha sot se ambicia e qeverisë është që në të ardhmen e afërt në vend të prodhohen letrat me vlerë. Nga Konferenca rajonale “Formësimi i së Ardhmes së GovTech”, Rama tha se pritet të firmoset një marrëveshje me Emiratet e Bashkuara Arabe. Ai shtoi se synohet të prodhojmë të gjitha llojet e letrave me vlerë përfshirë edhe të gjithë çfarë ka në botën dixhitale sa i përket identifikimit përmes telefonit dhe jo më përmes një karte ID.
“Për ta mbyllur me një produkt tjetër që do na lehtësojë shumë në aspektin e gjurmimit të të gjithë mallrave që hyjnë në Shqipëri, akcizës, jemi duke përgatitur dhe besoj që do ta firmosim në avët e ardhshme një marrëveshje me Emiratet e Bashkuara për të transformuar tërësisht shtypshkronjën e letrave me vlerë.
Ambicia jonë është që të prodhojmë paratë në vend, të prodhojmë të gjitha llojet e letrave me vlerë përfshirë edhe të gjithë çfarë ka në botën dixhitale sa i përket identifikimit përmes telefonit dhe jo më përmes një karte ID duke arritur që në këtë sistem, të kemi një qeverisje që në 2030 të ketë një nivel shumë më të lartë sa i përket standarteve të respektit për ligjin dhe për qytetarin dhe nga ana tjetër të respektit për vendin tonë në arenën ndërkombëtare”, tha Rama.
