Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Sfidë mbetet ndërtimi deri në Muriqan i Korridorit Blu", Rama: Aksi Shkodër-Tiranë do të bëhet për 45 minuta!
n.fPërditësimi i fundit 16 Korrik 2024, 11:15
Rama
SHKODËR- Kryeministri Edi Rama në një deklaratë nga Shkodra ku ka marrë pjesë në konkursin ndërkombëtar që po zhvillohet për projektin e Rozafës së re. Gjatë fjalës së tij, Rama tha se synimi është që ta kthejnë këtë objekt në ikonën e këtij shekulli për Shkodrën.
Ai gjithashtu se së shpejti aksi rrugor Shkodër-Tiranë do të bëhet për 45 minuta. Sipas tij sfidë mbetet ndërtimi deri në Muriqan të korridorit blu, pjesë e autostradës Thumanë-Kashar. Kryeministri deklaroi se për pak ditë do të lidhen edhe kontratat e reja për segmentet nga Kashari në Rrogozhinë dhe nga Rrogozhina në Fier.
“Marrin pjesë pesë studio të mirënjohura ndërkombëtare me reputacion të padyshimtë dhe nga ana tjetër, do të sjellë pesë mundësi, një ndër të cilat do të zgjidhet nga juria për të ndërtuar një objekt qe nuk është thjesht një objekt privat por një që ne synojmë të krijojë një ikonë të këtij shekulli për Shkodrës, e cila është e pasur me monumente, me gjurmë të historisë, ku çdo brez ka lënë gjurmët e vet dhe ku kjo ndërtesë do të jetë një gjurmë, e cila do t’i shtohet kësaj trashëgimie të Shkodrës për brezat që vijnë.
Nga ana tjetër, është pjesë e një vizioni shumë më të gjerë që kombinon së bashku investimet publike, që për Shkodrën dhe gjithë këtë territor deri në Theth, po shtohen dita ditës dhe patjetër që duke konsideruar domosdoshmërinë e një lidhjeje shumë të shpejtë, të sigurt të Shkodrës qoftë me veriun apo me Tiranën dhe Jugun, kryesore mbetet sfida për ndërtimin deri në Muriqan të Korridorit Blu, që ka një segment të përfunduar dhe të prekshëm për të gjithë në aksin Thumanë-Kashar, por që do të vazhdojë me segmente të tjera që do të lidhin Balldrenin me Milotin, me Muriqanin dhe Balldrenin me Thumanë.
Këto i kemi të qartë edhe hapat, dhe ndërkohë, një pjesë të rëndësishme të punës për projektet e kemi bërë dhe për pak ditë do të lidhen dhe kontratat e reja për segmentet më poshtë nga Thumana-Kashar, nga Kashari në Rrogozhinë, nga Rrogozhina në Fier dhe kështu koha e lidhjes së Shkodrës me Tiranën brenda kësaj dekade do të jetë rreth 45 minuta. Ndërkohë që e lidhjes së Shkodrës me Jugun saç është sot koha e lidhjes me Tiranën," tha Rama.
