Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Shkarkimi i pritshëm i Veliajt, Dorjan Teliti: E duam përballë në këshillin bashkiak, t’i tregojë qytetarëve disa të vërteta mbi korrupsionin
PiranjatPërditësimi i fundit 20 Shtator 2025, 16:30
Duke reaguar për vendimin e këshilltarëve socialistë për shkarkimin e Erion Veliajt në mbledhjen e së martës së javës së ardhshme, nënkryetari i këtij këshilli, Dorjan Teliti, thotë se Veliaj ka të drejtë të dëgjohet në sallë përpara të zgjedhurve vendor.
Më herët, edhe Veliaj bëri një kërkesë të tij nga qelia e burgut të Durrësit.
Reagimi i plotë:
Të martën është dita kur Veliaj pritet të shkarkohet nga detyra nga Këshilli Bashkiak. Ama para shkarkimit, ai ka të drejtën të dëgjohet aty në sallë përpara të zgjedhurve vendorë të Kryeqytetit.
Opozita jo vetëm që nuk trembet nga ajo fjalë, por kërkon / insiston që Veliaj të jetë aty, ballë për ballë, për t’i thënë atij dhe treguar qytetarëve disa të vërteta mbi korrupsionin dhe dëmet që ai i ka shkaktuar Tiranës në 10 vitet e fundit.
Pyetja që sot bën Tirana – dhe gjithë Shqipëria – është e thjeshtë: A do e lejojë qeveria Veliajn të dalë nga burgu për të folur, apo do ta mbajnë mbyllur nga frika se mos i del boja edhe atyre bashkë me të?
Sepse kur ke ndërtuar një regjim mbi propagandë dhe teatër, një fjalë e vetme jashtë skenarit prish gjithë shfaqjen.
Për shkarkimin e Veliaj duhej leja e qeverisë… po për fjalën e Veliaj, a do jepet ndonjë leje?
