Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
"Shpik histori nga Ilirët e Pellazgët", Spiropali-Basha, replika në Kuvend: Keni një paqartësi historike dhe kronike me atë që thoni dhe atë që bëni
M.B.Përditësimi i fundit 30 Maj 2024, 11:35
Elisa Spiropali dhe Lulzim Basha
TIRANA- Kryetari i Partisë Demokratike të vulës, Lulzim Basha ka replikuar me Ministren për Marrëdheniet me Parlamentin, Elisa Spiropali në lidhje me komisionin anti-korrupsion të propozuar nga mazhoranca. Spiropali tha se Basha ndonëse flet për vettingun e politikanëve, ishte ai që braktisi zgjedhjet dhe nuk votoi ligjet për reformën në drejtësi. Ajo shtoi, duke iu drejtuar Bashës se ai ka paqartësi historike dhe kronike.
“Parafolësi përmendi këtu komisionin që do të votojmë sot. Ne kërkojmë, synojmë, dhe do ta bëjmë, një komision që përfshin analiza të politikës së ditës, por do të prodhojë një plan kombëtar. Jo vetëm luftën kundër korrupsionit por dhe mbizotërimin e ligjit. Keni një paqartësi historike dhe kronike zoti Basha me atë që thoni dhe atë që bëni.
Ju thoni me fjalë që mbështesni reformën e drejtësisë, por me një grup deputetësh të pakicës, ju braktisët zgjedhjet dhe nuk votuat ligjet e reformës. Ju flisni për vettingun e politikanëve atëherë kur ishit në kalë se sot nuk keni gjë që të dëshmoni, se nuk bëtë gjë atëherë. Ju vetë keni shpëtuar me procedurë nga hetimet me gjykime. S'i kishit ju në dorë, por babai juaj politik. Ju mbroheshit me gardianët e drejtësisë së vjetër që i kishit nën kontroll”, tha ajo.
Nga ana tjetër, Basha tha se Spiropali, ashtu si shefi i saj, është gati të shpikë histori jo vetëm të 12-15 viteve më parë, por të shkojë deri tek ilirët dhe pellazgët për të treguar se ata e kanë fajin për korrupsionin 11 vjecar të kësaj qeverie.
“I doli përzot Elisa kur tha se ne nuk duam t’i fusim në rendin e ditës, as amendamentet që fuqizojnë SPAK, as ligjin për vetingun e politikanëve, as heqjen e imunitetit të parlamentarëve dhe për këtë njësoj si shefi i saj është gati sipas versionit të saj, të shpikë histori jo vetëm nga 12-15 vite përpara, por të shkojë të ilirët dhe pellazgët për të na treguar se ata e kanë fajin për korrupsionin 11 vjcar të kësaj qeverie, që është arsyeja e vetme pse ekziston SPAK.
SPAK ekziston për shkak të korrupsionit të Edi Ramës dhe qeverisë së tij. Unë dua të përsëris thirrjen time, meqë jeni ju që nuk i fusni në procedurë parlamentare, sepse nuk doni të merrni përsipër votën kundër amendamenteve për fuqizimin e SPAK, kundër heqjen se imuniteteve, kundër vetingut të polikanëve, të dilni publikisht dhe ti thoni shqiptarëve ne duam një komitet koti, që të mos t’i kthejmë përgjigje shqiptarëve pse nuk votojmë amendamentet e PD për SPAK, për vetingun e politikanëve, është ligj dhe ju doni ta fusni”, tha Basha.
