Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
“Shqipëria me mijëra vite dritë larg BE-së”, Gjin Gjoni për raportin e progresit: Asnjë kriter nuk plotësohet
PiranjatPërditësimi i fundit 6 Maj 2026, 18:41
Raporti më i fundit i progresit nga Bashkimi Evropian përshkruhet si një nga më negativët për Shqipërinë, duke nxjerrë në pah se vendi nuk përmbush ende asnjë nga kriteret thelbësore për të mbyllur kapitujt e negociatave.
Në një analizë të detajuar, deputeti i Partisë Demokratike, Gjin Gjoni, thekson se situata aktuale e vendit, si në zhvillimin ekonomik e politik, ashtu edhe në çështjet e jetës së përditshme, është “mijëra vite dritë larg” standardeve të Bashkimit Evropian.
Sipas Gjonit, çdo vendimmarrje pozitive në favor të Shqipërisë në këto kushte nuk do të bazohej në meritat e paraqitura në raport, por do të ishte thjesht një lëvizje “gjeopolitike”.
Kjo pasi raporti nënvizon qartë se anëtarësimi varet nga kushtëzimi i rreptë dhe zbatimi efektiv i normave, jo thjesht nga miratimi formal i legjislacionit.
Në lidhje “Skype” në “Taske Force” me Sonila Meçon në Syri TV, deputeti demokrat theksoi:
“Tani, unë nuk mund të bëj magjistarin në lidhje me raportin sepse dihet që Shqipëria nuk plotëson asnjë nga kriteret për të qenë dhe për të mbyllur kapitujt të cilët janë hapur deri në momentin aktual dhe secili prej nesh është i vetëdijshëm, jo vetëm ne si politikanë, por edhe qytetarët shqiptarë, sepse situata e zhvillimit ekonomik, e zhvillimit politik, por edhe çështjet e jetës së përditshme, janë mijëra vite dritë larg Bashkimit Evropian.
Por ajo e cila është e rëndësishme dhe në rast se do ketë një vendimmarrje në favor që, sipas këtij raporti unë e dyshoj, të them të drejtën, do jetë vetëm një vendimmarrje gjeopolitike. Po nuk ka të bëjë me këtë raport i cili është parashikuar dhe po t'i shkosh që te korniza e kushtëzimit e cila ka të bëjë në lidhje me preamblën, standardi është vendosur qartë në preambël dhe varet nga kushtëzimi i rreptë, procesi i bazuar në meritë dhe zbatimi efektiv i normave në vend, vetëm me miratimin formal të legjislacionit.
Duke qenë se anëtarësimi i Shqipërisë në BE varet nga reforma të qëndrueshme, të thella dhe të pakthyeshme, në çështje themelore, duke filluar me sundimin e ligjit, funksionimin e institucioneve demokratike, duke qenë se cilësia e reformave të nevojshme në vend, përcakton afatin kohor për anëtarësim.
Pra, e ka kushtëzuar gjithçka jo me një kalim formal, sepse edhe parlamenti sot po bën një kalim formal të të gjithë kornizës ligjore dhe kërkohet me një procedurë të përshpejtuar, por aty unë them se çështjet kryesore është çështja e demokracisë dhe reformës zgjedhore, mosfunksionimi i parlamentit, që është një element shumë i rëndësishëm, është sundimi i ligjit dhe antikorrupsioni, dhe niveli i krimit të organizuar.
Kemi çështjen e konfiskimit të aseteve dhe pavarësisë së SPAK-ut dhe të drejtësisë në tërësi, çështjet e pronës, liria e medias e cila ka marrë një pozicionim shumë të rëndësishëm në këtë moment edhe për shkak të mënyrës se si po trajtohet marrëdhënia e kryeministrit me gazetarët dhe marrëdhënia e kryeministrit me median, por njëkohësisht edhe transparenca në angazhimet ndërkombëtare, është një pikë sepse deri në momentin aktual kemi çështjen e kryeministrit që sillet si kameleon. Njëherë shkon në Izrael dhe dënon e sanksionon organizatë kriminale, Gardën Revolucionare, nga krahu tjetër shkon në Bordin e Paqes dhe përsëri shkon në Barcelonë në takimin e të majtës, i cili është një takim kundër vlerave konservatore dhe mënyrës se si po qaset...
Por, ajo e cila është e rëndësishme dhe duhet theksuar në lidhje me demokracinë dhe reformën zgjedhore, në raport thuhet përgjithësisht të përshtatshëm.
Dhe këtu thuhet, raporti identifikon dështime të vazhdueshme, fushë e pabarabartë loje, pretendime për blerje vote dhe presion mbi votuesit. Më qartë nuk ka se si të përshkruhet”.
