Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
"Është mbledhur gjithë syri i keq atje", Rama: Më 14 mars është plani që të hapet tuneli i Murrizit! Nuk do ketë pagesë, sa të jem unë këtu
n.fPërditësimi i fundit 25 Shkurt 2025, 11:16
TIRANË- Kryeministri Edi Rama në lidhjen e tij live në "Facebook" në rubrikën "Sy m'sy"ka folur në lidhje me hapjen e tunelit të Murrizit. Rama gjatë fjalës së tij u shpreh se tuneli sipas planit do të hapet me 14 mars. Ai më tej u shpreh se shpreson mos të ndodhë ndonjë surprizë pasi sipas tij atje është mbledhur gjithë syri i keq.
Sa i përket hapjes së tuelit Rama theksoi se nuk do të ketë asnjë pagesë përsa kohë të jetë ai në krye të detyrës. Ai u shpreh se kjo rrugë është ndërtuar me para shqiptare dhe jo me taksa. Sipas tij ndërtimi i rrrugës është PPP-ja.
"Ajo rruga e Arbrit atje, që do hapet tuneli i Murrizit më në fund o zot, ishalla nuk kemi ndonjë surprizë tjetër me atë tunel se aty është mbledhur i gjithë syri i keq. Më 14 mars është plani për tu hapur, është rrugë shqiptare me para shqiptare dhe jo të taksave. Ajo është PPP-ja. Dikush pyeste sa do ta paguajmë atë rrugë? Nuk do ketë ajo rrugë pagesë, sa të jem unë këtu. Rruga e arbrit nuk do ketë pagesë. Që do vijë dita që të gjitha rrugët do bëhen me pagesë sic i ka gjithë bota, kjo nuk diskutohet, por jo rruga e Arbrit sa të jem unë, por është PPP.
Ato PPP që BE i bën çdo ditë dhe që këtu janë mallkuar, ato PPP bën që në spitale megjithëse dërdëlliste çdo ditë, kanë rënë pikiatë infeksionet dhe sot robit operohet me materialet më të mira. Njësoj si në Evropë," tha Rama.
