Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Kemi mbulim histerik të temës së korrupsionit", Rama: Këneta e ka përdorur SPAK si një mjet të luftës politike! Jemi të parët në rajon për integritetin e prokurimeve publike
r.llPërditësimi i fundit 25 Shkurt 2025, 10:42
EDI RAMA
TIRANË- Kryeministri Edi Rama në rubrikën "Sy m'Sy" në rrjetet e tij sociale ka folur lidhur me korrupsionit dhe perceptimin e korrupsionit. Rama tha se sot kemi një mbulim histerik të temës së korrupsionit, ndërsa akuzoi opozitën se përdor Prokurorinë e Posaçme Antikorrupsion si mjet të luftës politike. Ai tha tha se zona më e ndotur nga korrupsioni janë paratë publike.
Më tej shtoi se këto para përdoren përmes garave, tenderave dhe sipas tij integriteti i garave qëndron një nga pikat kyçe të betejës për modernizimin e shtetit dhe largimin e korrupsionit nga fondet e përbashkëta publike.
Rama u shpreh se Shqipëria ka bërë përparimin më të madh në të gjitha vendet e rajonit për integritetin e prokurimeve publike dhe janë të parët në rajon.
"Sot kemi mbulim histerik të gjithë temës së korrupsionit në të gjitha kanale, portale, ku këneta është e mbimobilizuar pavarësisht se është subjekt i drejtpërdrejtë i luftës antikorrupsion, për të spërkatur me llumin e vet gjithçka, këdo dhe vazhdimisht dhe me strategji për ta përdorur llogoren anti korrupsion, përkatësisht SPAK si mjet të vetin të luftës politike duke e vënë në lëvizje përmes presionit të llumit, rrugës së denoncimeve të gjithfarshme dhe shantazhi permanent.
Kjo është njëra anë e medaljes dhe është ajo që krijon perceptimin se këtu janë të gjitha hajdut, ndërkohë që cfarë thonë faktet konkrete dhe pse BE e konsideron Shqipërinë që është i angazhuar në luftën kundër korrupsionit dhe në hapat e fundit për t’u bërë pjesë e BE. Nuk të bën njeri pjesë nëse të dhënat konkrete të diagnozës tënde nuk tregojnë se ti je për atë ligë. Nuk të bën njeri. Ka disa të dhëna.
Ku është zona më e ndotur nga korrupsioni, aty ku janë paratë publike dhe si përdoren nga qeveria e institucionet. Përdoren përmes garave, tenderave dhe natyrisht tek tenderat, integriteti i garave qëndron një nga pikat kyçe të betejës për modernizimin e shtetit dhe largimin e duarve të korrupsionit nga fondet e përbashkëta publike. Çfarë thotë BE? Shqipëria ka bërë përparimin më të madh në të gjitha vendet e rajonit për integritetin e prokurimeve publike, të parët në rajon nga 80 pikë nga 100 të mundshme, të dytët është Mali i Zi. Që dmth që në prokurimet publike ka shumë më pak korrupsion dhe mundësi korrupsioni se në vendet e tjera të rajonit tonë. Po të shikosh nga brenda të gjithë strukturën që kemi ndërtuar, kupton që ka arsye pse ka ardhur ky rezultat. Për të gjithë ata që nuk e dinë, sot ministritë nuk bëjnë më tendera.", tha Rama.
