Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
POLITIKE
Si i zuri pritë Rama gazetares Ambrozia Meta në korridoret e Kryeministrisë, ç’ndodhi pasi u fikën kamerat
PiranjatPërditësimi i fundit 13 Mars 2026, 23:03
Tanimë është bërë diçka e zakontë për Kryeministrin Edi Rama që përballë skandaleve qeveritare, të gjithë mllefin dhe ‘shuplakat’ e marra nga ndërkombëtarët t’i shfryjë te gazetarët, të cilët gjenden përballë tij në konferenca shtypi për llogaridhënie.
Rasti më i fundit është ai me gazetaren e Syri Tv, Ambrozia Meta dhe kolegut të saj Isa Myzyraj, të cilët u përjashtuan nga konferencat e Ramës ‘Përgjithmonë’, vetëm se këkrojnë nga kreu i qeverisë të bëjë transpraencë me paratë e popullit shqiptar. Në intervistën e dhënë për Syri Tv, pas përplasjes verbale me Kryeministrin, gazetarja e Syri Tv, Ambrozia Meta ka treguar më shumë detaje rreth asaj se çfarë ndodhi në godinën e qeverisë, pasi Rama ndërpreu për disa minuta konferencën.
Gazetarja Meta ka treguar të tjera detaje, pas fikjes së kamerave gjatë konferencës dhe se si Rama i zuri ‘pritë’ në korridor për ta shpallur ‘non grata’ në aktivitetet politike të tij.
“Në momentin që ka ndërprerë konferencën, ka dalë dhe më ka thënë që duhet të dalësh jashtë nga konferenca. Në momentin që unë kam shkuar për të dalë jashtë, për të mos e agravuar më shumë situatën, ka qenë një punonjës i gardës që nuk donte të më lejonte të dilja, sepse në ato momente Rama ishte duke kaluar në korridor. Dhe unë i kam kërkuar ta hap derën sepse për sa kohë që më kërkoi daljen nga konferenca, unë doja të largohesha. Dhe në këto momente ne jemi përballë sërish në korridor, ku kryeministri më ka thënë që je e përjashtuar përgjithmonë nga konferencat. Pra më ka nxjerrë jashtë. Pra kam marrë karton të kuq në kryeministri, nuk mund të hyj më në konferencat e tij. Nuk është hera e parë në fakt që kryeministri bën këtë gjë….” tregoi Meta.
Por dy kolegëve të saj, duke parë situatën e acaruar dhe kur kanë kuptuar se Rama po e priste në korridor janë ngritur ta shoqërojnë jashtë, me frikën se situata mund të degradonte më tej.
“Edhe situata që u krijua ishte shumë e acaruar sidomos momentin kur u mbyllën kamerat, sepse në momentin kur kemi qenë në korridor, bërtiste me të madhe që “Je e përjashtuar”, “Nuk do të vish me në konferencë”. Kam përshtypjen është i gjithë tensioni i akumuluar nga çështja “Balluku” ,që e ka vënë në një kurs përplasje të drejtpërdrejtë me ambasadat” ka treguar Ambrozia Meta.
