Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Sondazhi i Harvard CAPS/Harris/ Dritan Nesho për Forbes: Trump mbetet në një "periudhë muaji mjalti", demokratët janë në kolaps
I.APërditësimi i fundit 2 Prill 2025, 11:48
SHBA- Themeluesi dhe CEO i HarrisX, Dritan Nesho diskutoi një sondazh të ri të Harvard CAPS/Harris që tregon se presidenti amerikan Donald Trump mbetet në një "periudhë muaji mjalti" me votuesit për shkak të mbështetjes së lartë. Në "Forbes Newsroom", Nesho komentoi se cilat nga veprimet e Trump janë vlerësuar më lartë nga publiku amerikan si dhe se cilat nga veprimet e tij kanë marrë një goditje të lehtë. Duke folur për vlerësimet e sondazhit, Nesho theksoi se numri i qytetarëve që mendojnë se Trump po bën një punë të mirë ose më mirë seç ata prisnin është më e lartë nga mendimet se Trump po bën një punë të keqe.
"Është vërtetë atmosfera në sondazh që tregon që Trump mund të mbarojë nga 'Runway' me tarifat dhe të gjitha këto konfuzime të ndryshme. Në bëm një tjetër pyetje në shkurt, të cilën e kemi gjurmuar muaj pas muaj, e cila është: Trump a po bën më mirë sesa pritej, më keq sesa pritej apo saç pritej? Afërsisht 3 në 10 votues thonë që është njësoj siç ata prisnin. Numri i njerëzve që thonin se ai po bën më keq seç pritej është rritur nga 35% në shkurt në 42% në Mars. Ndërsa numri i qytetarëve që thonë se po bën më mirë seç pritej njësoj, rreth 35%. Trump nuk është ende mbi 50%, por është duke shkuar aty. Ajo që ndikon në këtë periudhën e 'Muajit të Mjaltit' është se sa është një mundësi për tu ngjitur sipër është dhe një mundësi për të rënë poshtë. Publiku tani është në një pozicion prit dhe shiko. Por benefiti i Trump në këtë rast është se demokratët janë në kolaps komplet dhe nuk ka opozitë të mirëfilltë që mund të ankerohet, kur bëhet fjalë për qeverisjen e vendit," tha Nesho.
Duke folur për Elon Musk, Nesho theksoi se nga të dhënat e sondazhit të tij, Musk ka rënë 10 pikë. Por sipas Neshos, kjo do të ndryshojë kur Musk të shkurtoj shpenzime të mëdha të qeverisë amerikane dhe të ul defiçitin e buxhetit federal.
"Elon e ka udhëhequr iniciativën, ai është koka e saj dhe ka qenë në shumë shkrime mediatike, kështu që kjo ka ndikuar. Shohim që nga të dhënat e sondazhit tani Musk është -10 pikë, ndërsa para një muaji ishte barazim. Kjo ka ndikuar që t'i bjerë pëlqyeshmëria si atij, si Teslës si dhe X. Por mendimi im është që opinioni i publikut do të rivendosët kur Elon të jetë në gjendje të arrij trilion dollarët e tij. 56% mendojnë se ai po bën shkurtime domethënëse për qeverinë amerikane. Po ashtu kjo përqindje mendon se Musk do të arrijë objektivin e tij. Në çështjet që ka ngritur në lidhje me shpenzimet e gabuara në qeverinë amerikane janë skandaloze dhe me të drejtë nuk do të ndodhte në ndonjë biznes që është pjesë e sektorit privat. Dhe kur Musk të ul shpenzimet e qeverisë amerikane, raporti i sondazhit të tij do të rritet dhe qytetarët do të japin kredite për ndihmën e tij për uljen e defiçitit të buxhetit federal," tha Nesho.
