Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"SPAK ka vepruar pas zgjedhjeve, me regji të Ramës!" Zgjedhjet parlametare/ Këlliçi: Kryeministri, peng i bandave krimit të organizuar! 11 maji, farsë elektorale
M.B.Përditësimi i fundit 22 Maj 2025, 20:22
TIRANA- Drejtuesi Politik i Partisë Demokratike për Qarkun Tiranë, Belind Këlliçi tha sot se të gjithë qytetarët shqiptarë janë të vetëdijshëm që zgjedhjet e 11 majit ishin një farsë elektorale. I tuar në një intervistë në SYRI TV Këlliçi tha se kryeministri Edi Rama turpëruar Shtetin Shqiptar për shkak të lidhjeve të tij të ngushta me krimin e organizuar dhe kartelet e drogës.
Sipas tij, Rama është peng i bandave krimit të organizuar. Gjithashtu Këlliçi tha se SPAK ka vepruar me regji të Ramës, për operacionin "Ura". Ai tha se Prokurinë e Posaçme e kanë detyruar të bëjnë një show 48 orët e fundit.
“Jemi në fazën e demontimit të farsës zgjedhore ata që po na ndjekin, të jemi të qartë me njerëzit nuk ka pasur zgjedhje në datën 11 maj, as votime. Ka pasur një farsë zgjedhore, dhe një farsë si e tillë për herë do të çmontohet për qytetarët, sepse është një farsë. Nuk ka qytetar që nuk e kupton.
Ajo çka më bën përshtypje këtë radhë është që kudo ku shkon është që bien dakord që është një farsë. Këtu bien të gjithë dakord që janë vjedhur votat, të gjithë bien dakord që është përdorur krimi, të gjithë bien dakord që janë manipuluar zgjedhjet. Por të gjithë bien dakord që kështu ka përfunduar Shqipëria sot. Ke një kryeministër që nga dita e djeshme ka një nick name shumë të bukur të ‘Edi Pojës’ për shembull. Ke një kryeministër që është kryeministër peng i bandave krimit të organizuar.
Ke një kryeministër sot që për turp të Shtetit Shqiptar, që është i lidhur kryekëput me krimin e organizuar, me kartelet e drogës, me trafikantët e drogës. Dhe më vjen keq sot që flasim, që edhe që kam pasur një raport konstruktiv me SPAK-un, ajo që kemi parë 48 orët e fundit të aksionit të bandës së Pojës në Troplinë dhe në Durrës, ku kanë ardhur urdhër arrestet e antimafilas italiane pra kanë ardhur që në shkurt për tu arrestuar anëtarët e bandave, dhe është e vetmja bandë që nuk arrestohet kreu i bandës. Ndërkohë SPAK ka vepruar pas zgjedhjeve, me regji komplet kuptohet Edi Rama. Kanë detyruar të bëjnë një show 48 orët e fundit domethënë që kanë kryer një aksion”, tha Këlliçi.
