Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
SPAK merr të pandehur Ballukun, gazetari: Emri i ministres figuron në regjistrin e procedimeve penale, ja rreziqet që i kanosën
PiranjatPërditësimi i fundit 25 Tetor 2025, 12:05
Gazetari Fatjon Gjinaj ka komentuar zhvillimet e fundit që lidhen me ministren Belinda Balluku, duke treguar se regjistrimi i saj në regjistrin e procedimeve penale në Prokurorinë e Posaçme nuk do të thotë automatikisht se ajo është e pandehur. Sipas tij, ky regjistrim përbën një hap formal në procesin hetimor dhe tregon se ekzistojnë dyshime të bazuara për mundësinë e kryerjes së një vepre penale.
Gjinaj sqaroi se, përderisa emri i Ballukut është regjistruar, procedurat mund të përfshijnë edhe masa sigurie, si arrest shtëpie, detyrim paraqitjeje, ose ndalim jashtë vendit, edhe pa miratimin e Kuvendit të Shqipërisë për individët në detyra të larta shtetërore.
Ai gjithashtu komentoi kallëzimet e Gazment Bardhit, kryetarit të grupit parlamentar demokrat, duke theksuar se ai është palë në proces dhe ka dhënë informacion mbi hetimin e mundshëm të Ballukut, duke paralajmëruar gjithashtu për mundësinë e masave sigurie në favor të saj.
Fatjon Gjinaj:
Me komunikimin e saj edhe shoqërimin me avokat, emri i Belinda Ballukut është regjistruar në regjistrin e procedimeve penale në Prokurorinë e Posaçme.
Nëse Balluku paraqitet ditën e hënë siç është njoftuar të paraqitet, për shkaqe të pamundësisë për paraqitjen e saj, ajo ka mundësi të vijë vetëm me arsye objektive dhe organi hetimor duhet të vihet në dijeni, ku duhet të marrë aprovimin e saj për të zgjedhur një datë tjetër.
Jo, nuk nënkupton se zonja Balluku e shoqëruar nga avokati do i komunikohet statusi i personit nën hetim.
A do merret e pandehur Balluku për veprat penale që dyshon SPAK-u, ose jo? Kjo është një çështje që shumë pak e ndan perceptimin ligjor mes personit nën hetim dhe atij nën akuzë.
Nëse është person nën hetim, është një njeri i cili dyshohet për kryerjen e një vepre penale të caktuar, dhe përderisa emri i saj regjistrohet në regjistrin e veprave penale, rrjedhimisht është nën akuzë.
Praktika ka treguar se në disa raste Prokuroria e Posaçme dhe personat që janë të zgjedhur apo në detyra të larta shtetërore, ku duhet kërkuar aprovimi i Kuvendit të Shqipërisë, masat si arrest shtëpie, detyrim paraqitjeje apo ndalim jashtë vendit mund të bëhen pa iu drejtuar Kuvendit.
Në dijeninë time nuk ka asnjë kërkesë nga këto drejtuar Kuvendit ende, por duhet të ndalemi te një denoncim shumë i fortë që është bërë nga kreu i grupit parlamentar demokrat, Gazment Bardhi, një njeri i zakonshëm që nuk ka informacion të plotë, është palë në proces duke qenë se përfaqëson një nga personat që ka bërë më shumë kallëzime ndaj Ballukut duke iu drejtuar organit të procedurës penale për ta hetuar atë.
Kjo do të thotë se Bardhi është personi që ka këto informacione, ku ka paralajmëruar se ka pasur tentativa dhe veprime nga organi i procedurës penale edhe për masa sigurie për Ballukun, por që për shkak të ndërhyrjeve dhe interesimit të drejtpërdrejtë të kryeministrit, situata ka marrë një tjetër rrjedhë.
Flet e drejtë Prokurori Dritan Prenci, që ka një sërë subjektesh që përfshijnë sektorin e Ballukut, dhe hetimi i saj vjen në kuadër të procedimit penal të ndërr, procedim ky që ka nisur me Ervis Berberin.
