Real Madridi po e shqyrton gjithnjë e më seriozisht mundësinë e transferimit të Declan Rice, me disa figura me ndikim brenda klubit q...
POLITIKE
Tabaku për ndryshimet e Rregullores së Kuvendit: Shkelin parimet e bashkëjetesës, na kufizon kohën e fjalës! Korrupsioni dhe krimi problem
PiranjatPërditësimi i fundit 9 Prill 2026, 10:20
Ka nisur seanca plenare në Kuvend. Deputetja e PD Jorida Tabaku, ka deklaruar se ndryshimet e rregullores që pozita çoi në Kushtetuese janë rasti flagrant se si rregullat në Kuvend janë shkelur.
Rregullorja sipas saj duhet të ketë ndryshime kondensuake ndërsa shtoi se për opozitën ndryshimet e njëanshme që marrin hapësirën e opozitës dhe aq më tepër që nuk kanë kaluar një proces konsultimi, shkelin parimet e bashkëjetesës në Kuvend.
“Në Konferencën e Kryetarëve nuk ramë dakord për kalendarin sepse mazhoranca propozoi të prezantohen edhe ndryshimet e rregullores pas zbardhjes nga Kushtetuesja. Mazhoranca na njoftoi se pret që vendimi i GJK të zbardhet. Ne nuk dimë çfarë informacioni ka mazhoranca që ne nuk e kemi.
Dua të njoftoj që ndryshimet e rregullores që PD i çoi ën GJK me një vendim të Kushtetuese që i dha të drejtë opozitës për shkelje, janë rasti më flagrant që rregullat në këtë parlament janë shkelur me dy këmbë. Ndryshimet e reja të propozuara nga PS shkelin të drejtat, dhe krijojnë Komision sikur po ndahen vilajete njëri i nënës, njëri i njerkës. Nëse GJK nuk zbardh vendimin ne do vazhdojmë normalisht.
Por dua të njoftoj që ky diskutim në Konferencë është e nevojshme të sqarojmë që për ne ndryshimet e rregullores të njëanshme , janë në shkelje të gjitha parimeve të bashkëjetesës në parlament. Por me ndryshimet e rregullores, dhe ato të reja t që mazhoraca ka propozuar edhe hapësirën që kanë Komisionet që drejtohen nga opozita do ngushtohet. PD ka propozuar edhe një mocion me debat sa i përket raportit të Departamentit Amerikan të shtetit dhe ne ende nuk kemi kryer diskutimin për raportin e parë”, tha Tabaku.
