Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
POLITIKE
Takimi në Dibër/ Rama- Noizyt: Do futesh i pari me Lamborghinin tënd në rrugën e re të Maqellarës! Albumin e radhës do e prezantosh këtu
r.llPërditësimi i fundit 2 Maj 2025, 20:17
rama, noizy
DIBËR- Reperi me origjinë dibrane, Rigels Rajku i njohur si Noizy ka shoqëruar sot Ramën në takimin përmbyllës të fushatës elektorale në qarkun e Dibrës. Mes batutash, Rama tha mes batutash se kishte mbajtur premtimin që i kishte dhënë Noizyt se një ditë do shkonte me Lamborghinin e tij në Dibër.
Më tej i tha se do jetë i pari që po me këtë makinë do të futet në rrugën e re të Maqellarës. Noizy u ngjit në podium dhe i kërkoi Ramës të shtrohej rruga që të çonte në banesën e vjetër të gjyshërve të tij, e cila ishte e gjatë 2 kilometër. Kreu i qeverisë tha se do ta shtronte rrugën me kushtin që koncertin dhe albumin e radhës, Noizy ta mbajë në Dibër.
Replikat mes Ramës dhe Noizyt:
Rama:Sot bashkë me mua erdhi edhe Noizy. Por duhet ta dini se nuk ka ardh sot si këngëtar këtu se nuk këndoi as live. Nuk këndoi as live. Ka ardhur për një arsye tjetër, se i thosha unë se jemi shok me Noizyn, o Noizy pa e bo atë Lamborghinin tat me shku plumb pushke në Peshkopi nuk e lë këtë punë. Noizy jo me helikopter, jo me dron, çonte me pa ku janë punimet. Çonte makina të lodhme me më provoku. Tipik dibran. Ta hedh këtej, ti sheh këtej dhe ta fut këtej. Mirë thoshte ka ec, po… ajo po-ja ishte ky "Lamborghini im zor se ikën atje". Do marrësh Lamborghinin dhe do jesh i pari që do futesh nga rruga e Maqellarës në Peshkopi.
Noizy:Nga ura e Shupenzës është vetëm 2 km pa shtruar. Kam gjyshin atje, ta shoh. 2 km janë.
Rama:E kuptoni tani?! I them Klosit, kujdes me atë 4-1. Unë them që meqë nuk u prishëm për atë rrugën e Arbrit, dhe tunelin e Murrizit sikur kishin ardhur xhindet e Dibrës aty mren, nuk do prishemi për 2 km. Kushti është, bëjmë rrugën, por albumin e vet Noizy do e prezantoj te kjo rruga këtu. Do i sjelli gjithë fansat nga Kosova, Maqedonia, se rrugën e kanë. Asaj rrugës do ja vejmë rruga e Noizyt. Dakord kryetar? Do i vëmë gozhda që mos të shkojnë me shpejtësi makinat.
