Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
Takimi qeveri Rama-mafia në Aruba/ Bushati: Krimi është ulur këmbëkryq në zemër të pushtetit
PiranjatPërditësimi i fundit 26 Shtator 2025, 22:32
Gazetari Andi Bushati i ftuar në Edicionin ‘Ora 19’ në SYRI TV, ka theksuar lidhjet e forta mes pushtetit dhe krimit në Shqipëri.
Duke komentuar situatën aktuale, Bushati tha për moderatoren Armela Ferko, se nuk ka nevojë për gazetarë të huaj për të kuptuar këtë lidhje, pasi çdo shqiptar mund ta vërë re atë vetëm duke vëzhguar realitetin e përditshëm në Tiranë.
‘Besoj se çdo shqiptar e di, që nuk ka nevojë për një gazetar të huaj për të kuptuar se sa i lidhur është pushteti këtu me krimin. Boll të fërkojë njëherë sytë kur zgjohet në Tiranë dhe të shohë kullat që lartësohen në qendër të Tiranës, për të kuptuar se, krimi është ulur këmbëkryq në zemër të pushtetit,’ deklaroi Bushati.
Gazetari shpjegoi se monumentet që po ngrihen në qendër të Tiranës dhe që janë të papërballueshme për shumicën e shqiptarëve, tregojnë qartë një anomali të thellë në shoqëri. Ai theksoi se kjo është një situatë që çdo qytetar mund ta perceptojë vetë, pa pasur nevojë për ndërhyrje nga jashtë.
‘Pra, ato monumente që ngrihen në qendër të Tiranës dhe që janë të pableshme nga asnjë shqiptar që jeton me punë të ndershme, tregon se këtu ka një anomali. Ka anomali dhe ne e shohim vetë e s’ka nevojë të na e tregojë një gazetar i huaj,’ shtoi Bushati.
Në lidhje me rolin e mediave shqiptare, Bushati theksoi se shumë gazetarë dhe media janë të kapura dhe të influencuara, duke e pamundësuar një punë të vërtetë hetimore. Ai kërkoi një angazhim më të madh nga gazetarët investigativë për të hetuar lidhjet dhe ndikimin e krimit në pushtet.
‘Kush është puna që mund të bëjnë gazetarët shqiptarë, pse nuk shkojnë në thellë?
Disa janë të blerë, të kapur dhe në shërbim, dhe ata e tregojnë veten kur bëjnë sikur ky libër nuk ekziston.
Por edhe ata media që nuk janë të kapura, që të bëjë punën e vet, të ngrejë një celulë gazetarësh investigativ, që ata të kenë kohë dhe fonde për të ju përkushtuar një pune hetimore.’, tha Bushati.
Bushati nënvizoi se për të realizuar hetime të thelluara dhe të vërteta, gazetarët dhe mediat duhet të kenë burime dhe kohë të mjaftueshme, por në Shqipëri, kjo nuk është e mundur për shkak të mungesës së një tregu të lirë të medias.
‘Ata duhet të jenë gazetar apo media që jetojnë në një treg të lirë, por nuk jemi në një treg të tillë,’ tha ndër të tjera, gazetari Andi Bushati në SYRI TV.
