Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Të firmosim një drejtim të ri"/ Berisha: Nesër protestojmë kundër njërit prej monstrave të shtetit kleptokratik
e. dPërditësimi i fundit 9 Qershor 2024, 20:56
sali berisha
TIRANË- Kreu i Partisë Demokratike Sali Berisha gjatë fjalës së tij mbrëmjen e sotme u ka bërë thirrje qytetarëve që të marrin pjesën masivisht në prostestën që do zhvillohet ditën e hënë në orën 11:00 para Bashkisë Tiranë. Më tej Berisha u shpreh se Tirana nesër proteston me të vërtetë për ekzistencën e shqiptarëve si komb i lirë, për dinjitetin e qytetarëve shqiptarë.
"Mirëmbrëma dhe përshëndetjet më të përzemërta. Mirënjohjen më të pakufishme ju qëndrestarëve dhe qëndrestarë të pamposhtur, oratorëve të parlamentit të lirisë që me fjalët dhe mendimet e tyre ndriçojnë zemrat dhe mendjet e shqiptarëve në këtë kohë velloje censure të tmerrshme mbi ata. Miqtë e mi! Nesër është një ditë e re qëndrese.
Nesër Tirana proteston me mosbindje civile tek njëri nga simbolet më të shëmtuara të shtetit shqiptar. Proteston kundër njërit prej monstrave të shtetit kleptokratik, të diktaturës së bazuar në aleancën me krimin, drogën dhe vjedhjen e shqiptarëve. Proteston me të vërtetë për ekzistencën e shqiptarëve si komb i lirë, për dinjitetin e qytetarëve shqiptarë.
Proteston për të firmosur një drejtim tjetër të ri për Shqipërinë dhe shqiptarët, për të ndërprerë sundimin e egër të mafias së drogës, krimit dhe vjedhjes mbi ta. Për të ndërprerë rrokullisjen e kombit si asnjëherë tjetër në shekuj dhe mijëvjeçarë në honet e tmerrshme të shpopullimit masiv të Shqipërisë. Protesto në fakt, në thelb për ekzistencën e këtij kombi në trojet e veta," tha Berisha.
