Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
“Të fortët e lagjes ju i keni patronazhistë”/ Boçi: Nuk kanë nevojë për patentë, se ju i keni dhënë kartabiankë politike
PiranjatPërditësimi i fundit 4 Maj 2026, 18:49
Nënkryetari i PD-së, Luçiano Boçi, u ndal te aksidenti tragjik në Durrës një ditë më parë, ku humbën jetën dy të mitur. Ai iu përgjigj deklaratës së Taulant Ballës, sa i përket ‘të fortëve të lagjes’, ku kreu i Grupit të PS tha se u duhet hequr patenta, me Boçin që tha se ‘të fortët e lagjes kanë marrë kartabiankë nga PS’.
“Ju deputet të mazhorancës kam bindje që ndjeni dhimbje për atë që ka ndodhur dhe ne këtu jemi solidar me familjet e atyre fëmijëve që kanë humbur jetën. Nuk pajtohem me retorikën cinike që ju transmetoni këtu, që faji për ngjarjen qëndron në dy gabime. Gabimi i parë ligjor që ne nuk kemi ashpërsuar dënimet në Kodin Penal për ata që kryejnë aksidente me pasojë vdekje.
Dhe gabimi i dytë, ai është më ciniku, që këta të fortët e lagjes paskan patentë dhe që të mos ndodhin këto ngjarje t’i heqim patentën. Këtyre të fortëve të lagjes iu i keni dhënë kartabiankë. Nuk kanë nevojë për patentë. Këta të fortët e lagjes bëjnë ligjin në lagjen e tyre, e kapin inspektorin e zonës prej hunde.
Këta të fortët e lagjes ju i keni patronazhistë. Këta të fortët e lagjeve, që ju i njihni mirë me emër e mbiemër, janë ata që menaxhojnë shpërndarjen e drogës në shkollat 9-vjeçare dhe të mesme. Këta të fortët e lagjes ishit ju që i vendosët drejtues të pushtetit vendor. Këta të fortët e lagjes ju i bëtë deputetë këtu.
Edhe patentë s’duhet të kenë, por s’duhet të jenë kartabiankë politike”, tha ndër të tjera Boçi.
