Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
POLITIKE
Tensione në seancën e KAS/ Rusmali-juristit të PD: Mos bëj fodullin! Logu: Do të kërkojmë përjashtimin tuaj, nuk siguron paanshmëri
n.fPërditësimi i fundit 30 Maj 2025, 17:22
TIRANË- Seanca e sotme e Kolegjit të Ankimimit dhe Sanksionet është zhvilluar me tensione dhe debate. Teksa po shqyrtohej ankimimi i Partisë Demokratike për Dibrën, anëtari i KAS,Ilir Rusmali debatoi me juristin e PD-së Marash Logu, që kërkoi pavlefshmërinë dhe përsëritjen e zgjedhjeve në këtë qark.
Logu kërkoi hapjen e kutive te KZAZ 18 në Bulqizë, pasi nga pamjet filmike kanë konstatuar parregullsi. Rusmali e kritikoi Logun duke i dhënë se po gabon vazhdimisht dhe se nuk duhet të bëjë fodullin në seancë.
Logu më tej iu përgjigj duke i thënë se do të kërkojnë përjashtimin e tij pasi sipas tij Rusmali nuk siguron paanshmëri në këtë proces. Ai shtoi se Rusmali ka konflikt interese ndërsa sa i përket fjalës fordull Logu i kërkoj të kërkojë falje dhe të ruajë etikën. Pas debateve seanca u shty për më datë 5 qershor.
Logu: U tha që administrata mund t’jua verë në dispozicion. Nëse doni që të njëjtën pamje t’jua sjellim ne, patjetër.
Lako: Kjo kërkohet sepse administrata mund ta kqyrë dhe sipas syrit të tyre, mund të thonë që nuk ka asnjë problem. Meqë ju ngrini një pretendim që ka pasur shkelje, të na i paraqisni, ta shikojmë dhe të vendosim.
Logu: Pamjet për të cilat kemi pretendime, do t’jua vendosim në dispozicion.
Rusmali: Pamjet filmike nuk vihen bruto në dispozicion, se nuk i qërojmë neve. Na nis time code, në minutën kaq, sekondin kaq, është një votë… të gjitha me tabelë! Që ne ti shohim dhe t’i verifikojmë. Nuk është puna se e duam USB-në prej teje dhe nuk e duam nga adm. Ti je djalë i ri dhe gabon vazhdimisht. Por, nuk ka rëndësi kjo. Kjo është procedura e këtij institucioni dhe fodullin mos e bëj këtu.
Logu: Unë kërkoj procedurialisht që Rusmali të përjashtohet nga shqyrtimi i të gjitha kërkesave që ka bërë PD, pasi nuk siguron paanshmëri në këtë proces. Ka edhe konflikt interesi që ne do ta demonstrojmë. Këto fjalët fodullëk etj. etj. mbaji për vete. Dhe kërko falje se unë nuk të ofendova. Të ruajë etikën zotëria.
