Një incident ka ndodhur ambientet e Komisariatit të Policisë së Sarandës rreth orës 01:30 të së martë...
POLITIKE
“Ti mos e hap gojën fare”/ Spiropali ironizon keq Ramën: Hijet mbeten pas, mbaje fytyrën…
PiranjatPërditësimi i fundit 29 Mars 2026, 12:06
Një ditë pas mbledhjes së tensionuar në mbledhjen e grupit parlamentar të Partisë Socialiste, ish-ministrja Elisa Spiropali është shfaqur në rrjetet sociale me një foto “pozitive”. Ndërsa uron ndjekësit, Spiropali e shoqëron foton me mbishkrimin: “Të dielë të bukur! Mbaje fytyrën nga drita dhe hijet mbeten pas.” Ende nuk dihet se për kë e ka Spiropali mesazhin e saj të koduar dhe kë konsideron “hije” në radhët e kundërshtarëve të saj brenda Partisë Socialiste.
Takimi i një dite më parë në mbledhjen e zgjeruar të grupit të PS në Pallatin e Brigadave, u kthye në “gjyq” ndaj ish-ministres Spiropali, për shkak të mungesës së saj në votimin për të mbrojtur imunitetin e deputetes Belinda Balluku. Rama i është drejtuar me tone të ashpra Spiropalit, duke i kërkuar që të ‘mbyllte gojën’ apo se do të ‘nxirrej jashtë’ nëse do të vazhdonte të fliste.
“Pak më shumë respekt për deputetët, mos na fol ashtu se jemi deputetë”, mësohet të ketë thënë Spiropali, duke i tërhequr vëmendjen drejtueses së Kadastrës, Lorena Goxhobelli.
“Ti mos e hap gojën fare, fare. Ti një herë mos fol fare, të paktën në prezencën time!”, ka ndërhyrë Rama. Në mbledhjen e një dite më parë, Spiropali dhe deputeti Erion Braçe u panë të ulur në rreshtin e dytë dhe pas kurrizit të kryeministrit Rama. /PiranjatNews/
