Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
VanHorn takim me Inspektorin e Lartë të Drejtësisë, ambasada e SHBA-ve: Diplomatja nxiti institucionin të ruajë ecurinë pozitive në zbatimin e reformës në drejtësi
M.B.Përditësimi i fundit 21 Nëntor 2024, 18:41
TIRANA- E Ngarkuara me Punë në Ambasadën e SHBA në Tiranë, Nancy VanHorn, është takuar sot me Inspektorin e Lartë të Drejtësisë (ILD) Artur Metani. Sipas një postimi të bërë nga Ambasada e SHBA-ve në vendin tonë, ky takim vjen për të riafirmuar mbështetjen e Shteteve të Bashkuara për rolin jetik të ILD-së në mbikëqyrjen e sjelljes dhe profesionalizmit të gjyqtarëve, prokurorëve dhe anëtarëve të këshillave.
Gjithashtu në postim shtohet se VanHorn nxiti ILD-në të ruajë ecurinë pozitive në zbatimin e reformës në drejtësi dhe theksoi rëndësinë e respektimit të standardeve të larta të vendosura gjatë procesit të rivlerësimit në muajt dhe vitet në vijim.
POSTIMI I AMBASADËS AMERIKANE:
E Ngarkuara me Punë Nancy VanHorn u takua me Inspektorin e Lartë të Drejtësisë (ILD) z. Artur Metani për të riafirmuar mbështetjen e Shteteve të Bashkuara për rolin jetik të ILD-së në mbikëqyrjen e sjelljes dhe profesionalizmit të gjyqtarëve, prokurorëve dhe anëtarëve të këshillave. Znj. VanHorn nxiti ILD-në të ruajë ecurinë pozitive në zbatimin e reformës në drejtësi dhe theksoi rëndësinë e respektimit të standardeve të larta të vendosura gjatë procesit të rivlerësimit në muajt dhe vitet në vijim.
