Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Vlerësojmë punën e jashtëzakonshme që ka bërë SPAK", ambasada holandeze: Nëpërmjet Programit MATRA do të vazhdojmë të mbështesim përpjekjet për forcimin e shtetit ligjor
n.fPërditësimi i fundit 6 Shkurt 2025, 20:35
TIRANË- Ambasada e Holandës në Tiranë ka bërë me dije ditën e sotme se nëpërmjet Programit MATRA, do të vazhdojë të mbështesë SPAK-un në përpjekjet e tij për forcimin e shtetit ligjor. Në një postim në "Facebook" ambasada hollandeze shkruan se janë të lumtur të njoftojnë nisjen e projektit të dytë të fokusuar në ofrimin e mbështetjes së zgjeruar në hetimet financiare dhe ndarjen e ekspertizës holandeze për të plotësuar më tej praktikat e vendosura të SPAK.
Ambasada thekson se vlerësojnë punën e jashtëzakonshme që ka bërë SPAK dhe me dy projekte në vazhdim, mbeten të përkushtuar për të forcuar më tej partneritetin.
Holanda, nëpërmjet Programit MATRA, ka kënaqësinë të vazhdojë të mbështesë SPAK-un në përpjekjet e tij për forcimin e shtetit ligjor. Jemi të lumtur të njoftojmë nisjen e projektit tonë të dytë – të zbatuar nga CILC – i fokusuar në ofrimin e mbështetjes së zgjeruar në hetimet financiare dhe ndarjen e ekspertizës holandeze për të plotësuar më tej praktikat e vendosura të SPAK. Ne e njohim dhe vlerësojmë punën e jashtëzakonshme që ka bërë SPAK dhe me dy projekte në vazhdim, mbetemi të përkushtuar për të forcuar më tej partneritetin tonë.
