Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Vura dy verore, për Shqipërinë dhe BE-në", Marta Kos në Elbasan: Ende shumë punë dhe reforma për t'u bërë! Me ritmin e deritanishëm gjithçka mbyllet në 2027
n.fPërditësimi i fundit 14 Mars 2025, 14:23
ELBASAN- Komisionerja për zgjerim në Bashkimin Evropian, Marta Kos ka vijuar ditën e sotme axhendën e saj në Shqipëri. Kos ka udhëtuar në Elbasan për axhëndën e radhës ndërsa ka folur para gazetarëve. Ajo u shpreh se Shqipëria ka ecur me reformat, por sipas saj vendi ynë ka ende punë për të bërë deri në anëtarësimin e BE. Sipas saj nëse Shqipëria ecën me këto ritme gjithçka do përfundojë në 2027.
“Unë pata mundësinë që të takohesha me aktorë politikë, mund të them që Shqipëria ka ecur në mënyrë të mrekullueshme, po ka ende shumë punë dhe reforma për të bërë. Por në rast se ecet me ritmin që ka qenë deri tani, atëherë patjetër që do të përfundohet gjithçka në 2027.
Dua të përgëzoj qytetarët shqiptarët për gjithçka që kanë arritur. Duke vijuar me këtë ritëm pune dhe me atë pasion shpresoj që së shpejti BE të mos jetë me 27 shtete, por me 28 vende kur Shqipëria të bëhet shtet anëtar”, tha Kos.
Ajo gjithashtu ka uruar shqiptarët për Ditën e Verës. Kos ka vendosur dy verore një për vendin tonë dhe BE-në.
“Më thanë që këto sjellin fat, prandaj vura dy një për Shqipërinë një për BE që të jenë fatsjellëse,” shtoi ajo.
