Kryeministri Edi Rama ka bërë disa dalje publike, ku ka ftuar studentët të dialogojnë, pasi protestat kanë vijuar prej ditësh...
POLITIKE
Zbardhet mesazhi i Berishës për strukturat, kërkon mobilizim dhe zbulon datën e protestës kombëtare
PiranjatPërditësimi i fundit 21 Shkurt 2026, 21:13
Kryetari i Partisë Demokratike, Sali Berisha, ka vënë në punë të gjitha strukturat e selisë blu në vend, që të mobilizohen dhe të përgatisin protestën e radhës kombëtare.
Ai ka ndarë një mesazh për ta, ku i vë në dijeni për përgatitjes dhe gjithashtu njofton për datën e protestës së pestë kombëtare, pasi e fundit ishte dje, më 20 shkurt.
Mesazhi i plotë i Sali Berishës:
“Mesazh Drejtuar të Gjitha Strukturave të Partisë Demokratike:
Drejtuar: Anëtarëve të Kryesisë së Partisë Demokratike, drejtuesve politikë të qarqeve, kryetarëve të degëve të PD-së, deputetëve të grupit parlamentar, kryetarëve dhe këshilltarëve të bashkive, anëtarëve të Këshillit Kombëtar dhe të gjithë anëtarëve e mbështetësve tanë!
Me këtë mesazh dua t’ju përgëzoj përzemërsisht të gjithëve për suksesin e ri shumë të rëndësishëm që arritëm më 20 shkurt, falë angazhimit, përkushtimit, guximit dhe vendosmërisë suaj.
Dje, në një datë historike, shënuam për opinionin publik kombëtar dhe ndërkombëtar një fitore të re tejet të çmuar për suksesin përfundimtar të kryengritjes sonë paqësore. Jehona e këtij suksesi pushtoi dje, me shpejtësi të pashembullt, hapësirën e komunikimit si dhe mendjet e zemrat e shqiptarëve dhe të njerëzve të lirë në mbarë botën.
Ndaj, duke filluar nga nesër, me energjinë dhe frymëzimin e 20 shkurtit, të nisim me përkushtim betejën e ardhshme! Të trokasim në çdo derë, në çdo lagje, bllok, rrugë e rrugicë, në çdo fshat e qendër pune, për të garantuar pjesëmarrjen më masive të shqiptarëve në protestën e ditës së shtunë, më datë 28 shkurt.
Kjo është përparësia jonë! Mobilizoni të gjitha forcat dhe energjitë për përmbushjen e këtij misioni!
