Në Korçë po mbahen homazhe ndaj efektivit që humbi jetën një ditë më parë gjatë operacionit policor.
...
POLITIKE
Zbardhet vendimi/ Gjykata e Lartë e quan të paligjshëm shkarkimin e Gledis Nanos, dëmshpërblehet me 100 milionë lekë
PiranjatPërditësimi i fundit 24 Prill 2026, 16:16
Gjykata e Lartë i ka dhënë fund sagës së përballjeve gjyqësore mes ish-kryepolicit Gledis Nano dhe Këshillit të Ministrave e Ministrisë së Brendshme, duke detyruar këto të fundit t'i paguajnë atij dëmshpërblim në masën e 100 milionë lekëve të vjetra.
Gledis Nano e konsideroi të paligjshëm shkarkimin e tij nga detyra, nga kryeministri dhe ministri i kohës, duke ju drejtuar gjykatës. Edhe shkallët e tjera të gjyqësorit, më parë, i kishin dhënë atij të drejtë.
Vendimi i Gjykatës së Lartë mban datën 17 Shkurt 2026 dhe relator i çështjes me titull "GLEDIS NANO Kundër. KESHILLI I MINISTRAVE I REPUBLIKES SE SHQIPERISE dhe Të Tjerë", dorëzuar nga Qeveria dhe Ministria e Brendshme, ka qenë kryegjyqtari Sokol Sadushi.
"Detyrimin e pales se paditur te trajtoje me page paditesin deri ne perfundim te mandatit 5 vjecar si dhe sistemimin e tij ne strukturat e Policise se Shtetit apo funksione te tjera. Dhenien e vendimit me ekzekutim te perkohshem sipas nenit 317 te K.Pr.Civile", thuhet në vendim.
Gjykata e Lartë ka vendosur gjithashtu edhe shfuqizimin e vendimit nr.580, dt. 31.08.2022, të Këshillit të Ministrave, ku paditës ka qenë Gledis Nano, të paditur Këshilli i Ministrave dhe Ministria e Brendshme, ndërsa pjesëmarrës në gjykim, Avokatura e Shtetit.
Gledis Nano u shkarkua nga detyra më 31 gusht 2022, me propozim të ish-ministrit të Brendshëm Bledi Çuçi, ndërsa kryeministri Edi Rama kishte deklaruar publikisht se i kishte kërkuar dorëheqjen.
Arsyeja zyrtare për largimin e tij ishte “mosrealizimi i objektivave”. Një vendim që Gledis Nano e konsideroi të paligjshëm dhe ndërmori të gjithë hapat ligjorë për dëmshpërblim, duke i marrë shtetit 100 milionë lekë të vjetra, ose 60 pagash mujore, sa mandati 5 vjeçar që duhet të qëndronte në detyrë.
