Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
"Zemra më dëgjon, zogu, po më ndjek"?/ Rama batuta me të rinjtë në Belsh: S’e kishte mendjen se po dëgjonte çfarë po i thoshte zoçka! Vota e 11 majit është historike
E.DPërditësimi i fundit 24 Prill 2025, 16:15
BELSH- Kryeministri Edi Rama ka zhvilluar një takim me të rinjtë në Belsh. Gjatë fjalës së tij Rama theksoi rëndësinë e përfshirjes së tyre në procesin zgjedhor dhe në përmbushjen e një misioni që ai e cilësoi si historik, për integrimin e Shqipërisë në BE. Gjithashtu Kryeministri i quajti të rinjtë pararoja e votuesve të parë dhe gjeneratë e cila ka mundësinë të bëjë një kapërcim më të madh se gjenerata e viteve ’90, duke e çuar vendin nga Shqipëria gjeografikisht në Europë, në Shqipërinë në BE. Rama gjithashtu nuk kurseu as batutat me të rinjtë. Kryeministri iu drejtua një të riu duke i thënë: “Zemra, më dëgjon? Zogu, po më ndjek?”, pasi pa që ai nuk po e ndiqte, por po komunikonte me vajzën në krah.
"Ju jeni pararoje e votuesve të parë, njerëz të angazhuar me PS, ata që punoni çdo ditë për të përçuar mesazhin tonë dhe për të arritur në 11 maj të realizojmë një fitore jo për mua, as për deputetët apo qeverinë, por një fitore të rëndësishme për të përmbushur një mision historik që nuk është i yni, por pjesë e të cilit ne jemi.
Mision i gjeneratave të tëra. Zemra më dëgjon? Zogu, po më ndjek? Besoj se po më dëgjon, tani po. Ka dhe momente shkëputjesh. Unë i thash zogu se ai po shifte ne telefon çfarë po i thoshte zoçka që është shumë e rëndësishme, por është dhe më e rëndësishme që zogjtë dhe zoçkat të jenë bashkë në këtë moment për të realizuar diçka më shumë se për të tjerët, ka rëndësi për gjeneratën tuaj.
Është diçka që duhet ta merrni mend. Gjyshërit, prindërit të tuaj e të tjerë, e kanë pasur të pamundur që ta kenë dhe është diçka shumë serioze. Sepse nuk të vjen në jetë çdo ditë, çdo vit, në çdo zgjedhje kur ke mundësi të votosh, rasti që të jesh pjesë e një historie. I erdhi gjeneratës së re të vitit 90, dhe sot i ka ardhur gjeneratës suaj, por nëse gjenerata e viti 90, pati mundësinë që të bëj një kapërcim të madh nga diktuara në liri, ju keni mundësi të bëni dhe kapërcim edhe më të madh. Nga Shqipëria gjeografikisht në Europë, në Shqipërinë në BE. Janë dy Shqipëri të ndryshme, totalisht, për ju në radhë të parë," tha Rama.
