Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Zgjedhjet e 11 Majit/ KQZ u shpërndan partive politike 1.3 mln euro për fushatë, PS merr pjesën më të madhe, si renditen partitë e tjera (LISTA)
b.zPërditësimi i fundit 21 Mars 2025, 13:45
KQZ
TIRANË - Komisioni Qëndror i Zgjedhjeve do të shpërndajë për partitë politike një shumë monetare prej 1.3 milionë euro për fushatë në kuadër të zgjedhjeve Parlamentare të 11 Majit. Gjatë mbledhjes që po zhvillohet këtë të premte Kreu i KQZ-së, Ilirjan Celibashi njoftoi se nga shuma 1.3 milionë euro në total, 44 milionë lekë do të shkojnë për "Partinë Socialiste" të Edi Ramës.
"Partia Demokratike" e Berishës do të marrë 44 milionë lekë, "Partia e Lirisë" drejtuar nga Ilir Meta do të marrë 9 milionë lekë, "Partia Social Demokrate" e Tom Doshit do të marrë 3 milion lekë, "Partia Republikane" do të marrë 2.6 milionë lekë dhe "Partia Për Drejtësi, Integrim dhe Unitet" do të marrë 1.7 milionë lekë. Më pas pjesa e mbetur do të shkojë për subjektet e tjera zgjedhore.
Më konkretisht: "Lëvizja për Zhvillim Kombëtar" do të marrë 890 mijë lekë, Partia "Bashkimi për të Drejtat e Njeriut" do të marrë 890 mijë lekë, "Partia Agrare Ambjentaliste" do të marrë 890 mijë lekë, Partia "Lëvizja e Legalitetit" do të marrë 890 mijë lekë dhe "Nisma Thurje" do të marrë 860 mijë lekë.
Lista
Partia Socialiste (PS) përfiton 65 milionë lekë Partia Demokratike (PD) merr 44 milionë lekë Partia e Lirisë (PL) përfiton 9 milionë lekë Partia Socialdemokrate (PSD) merr 3 milionë lekë Partia Republikane (PR) siguron 2 milionë lekë PBDNJ – 890 mijë lekë PAA – 890 mijë lekë PLL – 890 mijë lekë Nisma Thurje – 860 mijë lekë
