Raiffeisen Bank International AG (RBI), pronari i listuar në bursën e Vjenës i bankës më të madhe perëndimore që ende op...
POLITIKE
Zhupa: Serverët e dhuruar nga Bashkimi Europian për Bibliotekën Kombëtare janë marrë nga AKSHI
PiranjatPërditësimi i fundit 18 Shtator 2026, 16:21
Gjatë mbledhjes së Komisionit për Kulturën, Turizmin dhe Diasporën, kryetarja Ina Zhupa ngriti shqetësimin për situatën e krijuar në Bibliotekën Kombëtare, duke denoncuar faktin se serverët e dhuruar nga Bashkimi Europian përmes programit UNOPS janë marrë nga AKSHI, por nuk janë vënë në funksion të bibliotekës.
Zhupa theksoi gjithashtu se mosrinovimi apo mungesa e një kontrate të re për sistemin ALIS, i cili mundëson aksesin digjital në shërbimet e Bibliotekës Kombëtare, ka krijuar një ngërç të zgjatur, duke cenuar aksesin e qytetarëve në shërbimet dhe pasurinë digjitale të institucionit.
Ajo theksoi se AKSHI ka qënë i zënë në afera korruptive dhe duke zbatuar porositë e “librit” të Ergys Agasit dhe kërkoi përgjegjësi për këtë situatë, duke e vënë në kontrast neglizhencën ndaj bibliotekës me shpejtësinë e institucionit për të dhënë tendera të paracaktuara.
Zhupa: AKSHI mori serverët e dhuruar nga BE-ja për Bibliotekën Kombëtare, por “harroi” t’i vërë në punë! Serverët e dhuruar nga Bashkimi Europian, përmes programit UNOPS, për Bibliotekën Kombëtare, janë marrë nga AKSHI. Por prej kohësh nuk janë vënë në funksion të bibliotekës. Dhe sikur të mos mjaftonte kjo, AKSHI nuk rinovon kontratën dhe nuk lidh një kontratë të re për sistemin ALIS, sistemin që mundëson aksesin digjital në shërbimet e Bibliotekës Kombëtare.
Pra, serverët janë marrë, sistemi digjital është lënë pa kontratë dhe Biblioteka Kombëtare është futur në një ngërç që zgjat prej kohësh.
Kur bëhet fjalë për librat, dijen dhe aksesin e qytetarëve, shteti mungon. Kur bëhet fjalë për të marr dhe për të ndarë AKSHI tenderë, koncesione funksiononin me “librin” e autorit të njohur Ergys Agasit me shpejtësi marramendëse.
AKSHI nuk mund të gjejë kohë për bibliotekën dhe librat, sepse e ka kohën e zënë për aferat më të mëdha të korrupsionit.
