Partia Demokratike ka reaguar në lidhje me deklaratat e Komisioneres për Zgjerimin, Marta Kos, se qeveria dhe Edi Rama e kishte siguruar se, gjith&cce...
Kryedemokrati Sali Berisha dënoi sot nga mbledhja e Grupit Parlamentar të PD-së, kërcënimet e adresuara ndaj deputetes së largua...
SHOWBIZ
Dajana Kalo rikthehet në Instagram tregon gjendjen pas hemorragjisë cerebrale, ja mesazhi i saj
PiranjatPërditësimi i fundit 17 Shkurt 2026, 20:32
Në një luftë të papërshkrueshme për jetën, influencuesja dhe modelja shqiptare Dajana Kalo ka dhënë sinjalet e para se po rikthehet. 25-vjeçarja, e cila pësoi një hemorragji cerebrale të shkaktuar nga një Malformacion Arteriovenoz u përballë me një periudhë delikate për jetën.
Fillimisht, situata e saj ishte dramatike. Dajana humbi aftësinë për të lëvizur dorën dhe këmbën e djathtë dhe u la në kujdes intensiv, teksa familjarët luftonin jo vetëm për shëndetin e saj, por edhe për të siguruar kujdesin më të mirë mjekësor që mund të paguhej. Për javë me radhë, ndërhyrja e nevojshme kirurgjikale dhe procedurat e specializuara ishin të pamundura në spitalin ku ishte shtruar duke lënë familjen të frustruar dhe qytetarët në ankth.
Në një kohë rekord, mijëra shqiptarë nga vendi dhe jashtë u bashkuan duke mbështetur fushatën “GoFundMe” të hapur nga motra e saj, Bora Kalo, duke arritur të mblidhen rreth 200 000 euro për trajtimin, operacionin dhe fazën e gjatë të rehabilitimit që e pret Dajanën.
Në një mesazh publik të ndarë së fundmi, Dajana shpreh mirënjohjen e saj të thellë ndaj mbështetësve: “Po përpiqem të rikthehem sërish… Faleminderit nga thellësia e shpirtit për mundësinë që më dhatë që të kurohesha… Gjithçka ka shkuar shumë mirë dhe do vazhdojë të shkojë edhe më mirë vetëm me pozitivitet…”
