Një qytetar nga Durrësi ka dërguar një denoncim në redaksinë e Piranjat News, ku përshkruan situatën e rëndë...
SHOWBIZ
Klodi reagon pas zërave për krizë me Elijonën: Mos e përfshini Elin në këto gjëra
PiranjatPërditësimi i fundit 19 Gusht 2026, 22:29
Pas ditëve të fundit të mbushura me aludime për një krisje të mundshme në marrëdhënien e Klodit dhe Elijonës, vetë Klodi ka vendosur të reagojë publikisht.
Një ditë më parë, Elijona sqaroi përmes Instagramit se kishte qenë e fokusuar te familja dhe mohoi të kishte lidhje me situatat apo diskutimet që po qarkullonin. Ajo u bëri thirrje ndjekësve të mos ndërtonin drama dhe teori mbi jetën e tyre private.
Këtë herë, ka qenë Klodi ai që ka zgjedhur të flasë, përmes një postimi në platformën X. Ai pranoi se mes çiftit ka pasur disa ditë distancë, por theksoi se nuk e kishte parë të nevojshme të jepte shpjegime për këtë.
Sipas tij, situata ka marrë përmasa të panevojshme për shkak të komenteve dhe spekulimeve të ndjekësve, veçanërisht ndaj Elijonës.
“Nuk kam fol se nuk e kam pa të nevojshme shumë me u arsyetu për disa ditë distance. Ama keni fillu me urrejtje që nuk ka nevojë me u shpreh, sidomos ndaj Elit.”
Klodi shtoi se shumë prej komenteve janë bazuar në pjesë të shkëputura të situatës, pa pasur një pasqyrë të plotë të marrëdhënies së tyre.
“Keni marrë gjana jashtë kontekstit, pa ditë gjithçka për lidhjen tonë, për si i mendojmë ne gjërat si çift, edhe keni kriju teori edhe boll po më vjen keq, sidomos kur na njihni të dyve si njerëz.”
Në fund, ai u kërkoi ndjekësve të mos e përfshijnë Elijonën në debatet që kanë lindur online: “Ju dua ama disa gjana po kalojnë limitet, leave Eli out of these things.”
Reagimi i Klodit vjen në një moment kur vëmendja e publikut është përqendruar te marrëdhënia e çiftit, ndërsa të dy kanë kërkuar që jeta e tyre private të mos shndërrohet në objekt spekulimesh.
