Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
SHOWBIZ
Miley Cyrus zbulon: Rindërtova shtëpinë e djegur në Malibu “Më ndryshoi jetën”
PiranjatPërditësimi i fundit 30 Shtator 2025, 15:34
Këngëtarja dhe aktorja e njohur Miley Cyrus ka rrëfyer se pas shtatë vitesh përpjekjesh, shtëpia e saj në Malibu është rindërtuar pothuajse plotësisht.
Në një intervistë për CR Fashion Book, gjatë bisedës me Pamela Anderson, ajo tregoi se rezidenca e saj, e shkatërruar nga zjarri i madh Woolsey Fire në vitin 2018, është drejt përfundimit:
"Po punoj për rindërtimin. E humba shtëpinë time në zjarr dhe më është dashur pesë vite për ta ngritur përsëri. Duket se do të jetë gati për mua në javët e ardhshme," – u shpreh Cyrus.
Këngëtarja, e cila atë kohë ndante banesën me ish-bashkëshortin Liam Hemsworth, kujtoi se ndodhej në Afrikën e Jugut kur mori lajmin për tragjedinë.
Sipas saj, kjo shtëpi kishte një domethënie të veçantë, aty kishte regjistruar albumin e parë dhe përjetuar shumë kujtime të paharrueshme.
"Në fillim e pashë si një humbje të madhe, por më vonë e kuptova se ishte bekimi më i madh. Humbja e gjithçkaje më dha mundësinë të rindërtoj, të zgjedh çdo detaj dhe mobilie. Ishte një proces që më solli një mirënjohje të re për jetën," tha Cyrus.
Artistja shtoi se kjo përvojë ndikoi edhe tek arti i saj:
"Zëri im ndryshoi shumë pas asaj ngjarjeje. Fillova të këndoja më mirë, sikur diçka brenda meje u çlirua."
