Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
SHOWBIZ
Beatrix Ramosaj ndan një mesazh prekës për babanë e ndjerë: Në ëndrrat e mia, ai kurrë nuk iku
PiranjatPërditësimi i fundit 30 Shtator 2025, 14:21
Beatrix Ramosaj ka prekur zemrat e ndjekësve të saj me një postim të ndjerë në Instagram, ku ndau një mesazh të thellë për babanë e saj, i cili ka ndërruar jetë shumë vite më parë. Këngëtarja ka shkruar mbi kujtimet dhe ëndrrat që e lidhin me të, duke treguar se edhe pse humbja e tij është e dhimbshme, dashuria që ajo ndjen për të mbetet e pafund.
“Në ëndrrat e mia, ai kurrë nuk iku. Ai na pret në shtëpi, duke buzëqeshur, sikur vitet që na ndanë nuk kanë ndodhur kurrë,” ka shkruar Beatrix, duke shprehur emocionet e saj më të thella.
Ajo ka vazhduar duke përshkruar momentet që rikthehen në ëndrrat e saj: “Unë e përqafoj, qesh me të, bëj foto me të… dhe në atë vend të përkohshëm, dashuria është e pafund, dhe humbja nuk mund të na prekë.” Ky postim thekson se ëndrrat janë një mënyrë për Beatrix-in për të ndjerë sërish praninë e babait të saj, edhe për një moment të shkurtër.
Në përfundim të mesazhit, këngëtarja ka falenderuar ëndrrat për mundësinë që t'i kthehen kujtimet e shtrenjta të jetës së saj: “Ëndrrat të sjellin përsëri tek unë, edhe vetëm për një rrahje zemre. Faleminderit për këtë dhuratë. Më mungon më shumë se ç’mund ta them.”
