Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
SHOWBIZ
Thashethemet për rikthimin e Spice Girls, Victoria Beckham shfaqet elegante dhe plot stil
PiranjatPërditësimi i fundit 30 Shtator 2025, 15:06
Victoria Beckham tërhoqi vëmendjen me një paraqitje elegante dhe plot stil në Paris, të martën, teksa mori pjesë në aktivitetet e Javës së Modës. Stilistja dhe ish-anëtarja e Spice Girls u shfaq me një kostum të zi klasik dhe syze dielli me kornizë të trashë, duke reflektuar sofistikim dhe finesë në çdo detaj të dukjes së saj.
Kujtojmë këtu se paraqitja e saj vjen në një kohë kur zërat për një ribashkim të mundshëm të grupit legjendar Spice Girls janë rikthyer më të forta se kurrë. Shkak u bë një video e publikuar nga vetë Victoria në rrjetet sociale, ku shihej në një koncert të grupit Oasis, duke kënduar dhe festuar me familjen. Gjestet e saj ndezën menjëherë spekulimet se ajo mund të rikthehet në skenë bashkë me grupin që i dha famën ndërkombëtare.
Në koncert, ajo ishte e shoqëruar nga bashkëshorti David Beckham, vajza e tyre Harper, si dhe djemtë Romeo dhe Cruz së bashku me të dashurën e tij, Jackie Apostel. Djali i madh, Brooklyn, mungoi në event, mes zërave për tensione të vazhdueshme me familjen.
Prej muajsh është raportuar se Geri Halliwell, Emma Bunton, Mel B dhe Mel C janë në diskutime për një turne botëror që do të shënojë 30-vjetorin e krijimit të grupit. Megjithëse Victoria ishte përshkruar më parë si “90% jashtë planeve”, komentet dhe veprimet e saj të fundit kanë ringjallur shpresat e fansave.
Spice Girls, që nga themelimi në vitin 1994, kanë shitur mbi 100 milionë albume dhe mbeten grupi i vajzave më i suksesshëm në histori. Me Victoria që nuk përjashton më kategorikisht një rikthim, një ribashkim i shumëpritur mund të jetë më pranë se kurrë më parë.
