Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
SHOWBIZ
Barron Trump ndez thashethemet për një lidhje romantike pas një darke private në 'Trump Tower'
PiranjatPërditësimi i fundit 30 Shtator 2025, 14:55
Barron Trump, djali i Presidentit Donald Trump dhe Zonjës së Parë Melania Trump, ka nxitur thashetheme për një lidhje të mundshme romantike pas një daljeje të veçantë në Trump Tower në New York. Sipas burimeve për Page Six, Barron shijoi një darkë private në katin e sipërm të ndërtesës, i cili u mbyll i tëri vetëm për të dhe shoqëruesen e tij, masa që, sipas raportimeve, u morën kryesisht për arsye sigurie.
Ndërkohë, New York Post raporton se 18-vjeçari po ndjek studimet në Universitetin e New York-ut (NYU), ndërsa aktualisht jeton në Shtëpinë e Bardhë. Kolegët e tij tregojnë se prania e Barron-it në kampusin e Greenwich Village vitin e kaluar krijoi një “tërbim” mes studentëve, veçanërisht për shkak të pamjes së tij të veçantë.
“Ai është shumë i gjatë dhe paksa i çuditshëm, por padyshim dallohej. Shumë vajza e ndiqnin,” tha një nga bashkëstudentet për median.
Duke qenë pjesë e një familjeje kaq të ekspozuar ndaj publikut, Barron ka qenë gjithmonë i rezervuar për jetën e tij personale. Në prill të këtij viti u raportua se ai shmangte ndarjen e numrit të telefonit me miqtë e tij të kolegjit nga frika se mos shpërndahej. Në vend të kësaj, ai preferonte të komunikonte përmes platformave alternative si Discord apo edhe Xbox, për të ruajtur privatësinë.
“Nëse do t’ua jepte numrin, ata mund ta kalonin më tej dhe menjëherë një milion njerëz do ta telefononin. Kjo do ta detyronte të ndërronte numrin vazhdimisht, do të ishte kaos,” shpjegoi një burim pranë tij.
