Operacioni “Vjeshta”, i finalizuar nga Policia e Sarandës pas një hetimi disa-mujor, ka çuar në pranga 20 persona, mes tyre ...
SHOWBIZ
Nga shpërthimi te reflektimi: Eva Murati sqaron fjalët për dasmën e ish-it
PiranjatPërditësimi i fundit 16 Shtator 2025, 12:58
Një episod i ri po tërheq vëmendjen në showbizin shqiptar! Pas dasmës madhështore në Itali të djalit të Jozefina Topallit, Genarit, me modelen Cindy Marina, një reagim i papritur i ish-partneres së tij, moderatores Eva Murati, ka bërë bujë në rrjet. Në një koment në TikTok, Eva i ishte përgjigjur një ndjekëseje duke theksuar se nuk kishte aspak xhelozi për një dasmë që, sipas saj, mund të ishte organizuar me para publike të shpërdoruara, ndërsa insinuonte se pas profilit anonim fshihej vetë Cindy Marina. Pasi reagimi mori vëmendje të madhe, për shkak edhe të së shkuarës së njohur mes Muratit dhe Topallit, moderatorja ka sqaruar më pas se ishte futur në një “kurth mediatik”.
Në një mesazh për gazetarin Ronaldo Sharka, Eva ka shkruar: “Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”.
Komentet që u bënë virale
Ndjekësja: Pra, po përpiqesh të na thuash që nuk e doje atë dasmë përrallore dhe një djalë të pashëm e të pasur. Gjithsesi kjo nuk është më pak në botën time
Eva Murati: Nuk dua që miliona shqiptarë të më urojnë vdekjen sepse po mburrem me para që mund të jenë të vjedhura nga fondet publike. E di që më përndjek çdo ditë, por ta bësh këtë një ditë pas dasmës tënde është më shumë se patetike
Genari dhe Eva kanë pasur një lidhje publike disa vite më parë, ndërsa tashmë djali i politikanes së njohur shqiptare i dha fund beqarisë me partneren e tij Cindy Marina. Dasma e tyre ka qenë një prej më të komentuarave në javën e fundit, edhe për shkak të luksit dhe vendit të zgjedhur, si dhe ceremonisë së mbajtur në Vatikan.
