Një ngjarje e rëndë raportohet të ketë ndodhur paraditen e kësaj të enjte, në një mal në Kopaçez n&eu...
SHOWBIZ
Rozana Radi për MC Kreshën: Është super artist
PiranjatPërditësimi i fundit 1 Tetor 2025, 14:31
Emisioni i njohur "Goca dhe Gra' është rikthyer këtë sezon me një panel tërësisht të rinovuar, ku tashmë pjesë e diskutimeve janë Ori Nebijaj, Rozana Radi, Rudina Dembacaj, Sherina Spahiu dhe Ema Andrea.
Në episodin e parë, një ndër temat që tërhoqi vëmendje ishte performanca e fundit e MC Kreshës, e cila u bë virale pasi reperi u duk sikur harroi tekstin gjatë një koncerti live një moment që ndezi rrjetet sociale.
Gjatë debatit në studio, Rudina Dembacaj nuk ngurroi t’i kujtonte Rozanës lidhjen e dikurshme me reperin, duke e pyetur drejtpërdrejt për mendimin e saj. Rozana reagoi fillimisht me humor dhe pak hezitim: "Unë? Si mendon ti, Ori?”, iu drejtua ajo koleges, duke shmangur një përgjigje të menjëhershme.
Megjithatë, më pas shtoi shkurt, por qartë: "Edhe unë jam me mendimin e Orit që Kresha është një super artist."
Ndërkohë, Ori Nebijaj e cilësoi reperin si një nga artistët e saj të preferuar, duke theksuar se edhe emrat më të mëdhenj mund të kenë momente të tilla në skenë. Nga ana tjetër, Ema Andrea ngriti dyshimin se situata mund të ketë qenë thjesht një lojë për humor.
Pavarësisht diskutimeve dhe toneve të ndryshme, moderatoret u bashkuan në një pikë. MC Kresha mbetet një ndër figurat më të rëndësishme dhe me ndikim në muzikën shqiptare.
